PM Narendra Modi oath ceremony LIVE : मुरलीधर मोहोळांनी घेतली मंत्रिपदाची शपथ; 'छत्रपती शिवाजी महाराज की जय'चे लागले नारे

पंतप्रधान नरेंद्र मोदी यांच्याशिवाय 71 मंत्र्यांनी शपथ घेतली आहे.

जॉर्ज कुरियन, पवित्रा मार्गेरिटा यांनी मंत्रिपदाची शपथ घेतली आहे.

पुण्यातील खासदार मुरलीधर मोहोळ यांनी मंत्रिपदाची शपथ घेतली आहे. यावेळी छत्रपती शिवाजी महाराज की जय च्या घोषणांनी राष्ट्रपती भवन दुमदूमन गेलं.

सुकांता मुजुमदार, सावित्री ठाकूर, छत्तीसगडमधील बिलासपूरमधून खासदार असलेले तोखन साहू, राजभूषण चौधरी, भूपती राजू श्रीनिवास वर्मा, पूर्व दिल्लीतून पहिल्यांदाच खासदार बनलेले हर्ष मल्होत्रा, नीमूबेन बमनभानिया यांनी राज्यमंत्रिपदाची शपथ घेतली आहे.

रांचीचे खासदार संजय सेठ, रवनीत सिंह बिट्टू, दुर्गादास उईके, रावेरमधून निवडून आलेल्या रक्षा खडसे यांनी राज्यमंत्रिपदाची शपथ घेतली आहे.

डॉ. एल मुरूगन, उत्तराखंडमधील अलमोरामधून खासदार बनलेले अजय टमटा, तेलंगणाचे खासदार बंडी संजय कुमार, उत्तर प्रदेशातील बांसगावमधून तिसऱ्यांदा खासदार बनलेले कमलेश पासवान, अजमेरचे खासदार भागिरथ चौधरी, सतीशचंद्र दुबे यांनी राज्यमंत्रिपदी शपथ घेतली आहे.

कीर्तिवर्धन सिंह, उत्तर प्रदेश भाजपचे उपाध्यक्ष बी. एल. वर्मा, पश्चिम बंगालच्या बनगावमधून निवडून आलेले शंतनू ठाकूर, केरळमधील एकमेव खासदार सुरेश गोपी यांनी मंत्रिपदाची शपथ घेतली आहे.

आंध्रप्रदेश गुंटूरमधील खासदार चंद्रशेखर पेम्मासानी, एस. पी. सिंह बघेल, उत्तर बंगळुरूमधून निवडून आलेल्या शोभा करंदलाजे यांनी मंत्रिपदाची शपथ घेतली आहे.

जेडीयूचे राज्यसभेचे खासदार कर्पुरी ठाकूर, नित्यानंद राय, अनुप्रिया पटेल, व्ही. सोमन्ना यांनी मंत्रिपदाची शपथ घेतली आहे.

उत्तर प्रदेशमधील पंकज चौधरी, हरयाणातील कृष्णपाल आणि रामदास आठवले यांनी राज्यमंत्रिपदाची शपथ घेतली आहे.

राष्ट्रीय लोकदलाचे अध्यक्ष जयंत चौधरी यांनी राज्यमंत्रिपदाची शपथ घेतली आहे. जितिन प्रसाद यांनी शपथ घेतली आहे. 2021 मध्ये ते काँग्रेस सोडून भाजपत आले होते.

शिंदे गटाचे खासदार प्रतापराव जाधव यांनी राज्यमंत्री म्हणून शपथ घेतली आहे.

राजस्थानच्या बिकानेरमधून लोकसभेवर विजयी झालेले अर्जुनराम मेघवाल यांनी मंत्रिपदाची शपथ घेतली आहे.

राव इंद्रजित सिंह यांनी राज्यमंत्रिपदी शपथ घेतली आहे. गुरूग्रामधून ते सहा वेळा खासदार म्हणून निवडून गेले आहेत. उधमपूरमधून निवडून आलेले जितेंद्र सिंह यांनीही राज्यमंत्रिपदाची शपथ घेतली आहे.

लोकजनशक्ती पक्षाचे अध्यक्ष चिराग पासवान आणि खासदार जी किशन रेड्डी यांनी मंत्रिपदाची शपथ घेतली आहे.

हरदीप सिंग पुरी आणि मनसुख मांडवीय, जी किशन रेड्डी यांनी मंत्रिपदाची शपथ घेतली आहे.

भूपेंद्र यादव आणि गजेंद्रसिंह शेखावत, अन्नपूर्णादेवी, किरेन रिजिजू यांनी मंत्रिपदाची शपथ घेतली आहे.

ज्योतिरादित्य शिंदे यांनी कॅबिनेटमंत्री म्हणून दुसऱ्यांदा शपथ घेतली आहे.

जोयल ओरम, गिरिराज सिंह, अश्विनी वैष्णव यांनी मंत्रिपदाची शपथ घेतली आहे.

सर्वानंद सोनावाल, वीरेंद्र कुमार, टीडीपी नेते किंजरापू राम मोहन नायडू आणि प्रल्हाद जोशी यांनी कॅबिनेट मंत्री म्हणून शपथ घेतली आहे.

जेडीयूचे नेते, राजीव सिंह 'लालन' यांनी मंत्रिपदाची शपथ घेतली आहे.

हिंदुस्तानी आवाम मोर्चाचे ( सेक्यूलर ) संस्थापक यांनी मंत्रिपदाची शपथ घेतली आहे.

माजी पेट्रोलियम मंत्री, धमेंद्र प्रधान यांनी मोदी 3.0 सरकारमध्ये शपथ घेतली आहे.

पहिल्यांदा लोकसभेवर महाराष्ट्रातून निवडून गेलेले पीयूष गोयल यांनी मंत्रिपदाची शपथ घेतली आहे.

कर्नाटकचे माजी मुख्यमंत्री, एच. डी कुमारस्वामी यांनी मोदींच्या मंत्रिमंडळात शपथ घेतली आहे.

हरयाणाचे माजी मुख्यमंत्री मनोहर लाल खट्टर यांनी शपथ घेतली आहे.

माजी परराष्ट्रमंत्री एस. जयशंकर यांनी मंत्रिपदाची शपथ घेतली आहे.

माजी अर्थमंत्री निर्मला सीतारमन यांनी तिसऱ्यांदा मंत्रिपदाची शपथ घेतली आहे.

मध्य प्रदेशचे माजी मुख्यमंत्री, शिवराज सिंह चौहान यांनी मंत्रिपदाची शपथ घेतली आहे.

भाजपचे अध्यक्ष जगत प्रकाश नड्डा यांनी मंत्रिपदाची शपथ घेतली आहे.

नितीन गडकरी यांनी तिसऱ्यांदा मंत्रिपदाची शपथ घेतली आहे.

अमित शाह यांनी दुसऱ्यांदा मंत्रिपदाची शपथ घेतली आहे. यापूर्वी ते गृहमंत्रीपदावर कार्यरत होते.

राजनाथ सिंह यांनी तिसऱ्यांदा मंत्रिपदाची शपथ घेतली आहे.

नरेंद्र मोदी यांनी तिसऱ्यांदा पंतप्रधानपदाची शपथ घेतली आहे. राष्ट्रपती द्रौपदी मुर्मू यांनी त्यांना पंतप्रधानपदाची शपथ दिली आहे.

नरेंद्र मोदी राष्ट्रपती भवनात दाखल झाले आहेत. तिसऱ्यांदा मोदी पंतप्रधान पदाची शपथ घेणार आहेत. सोहळ्याला सुरूवात होणार...

नरेंद्र मोदी पंतप्रधान पदाची शपथ घेतील. त्यानंतर राजनाथ सिंह, अमित शाह, आणि नितीन गडकरी शपथ घेतील. चौथ्या क्रमांकावर जे. पी नड्डा आणि पाचव्या क्रमांकावर शिवराज सिंह शपथ घेणार आहेत.

राष्ट्रपती भवन येथे चंद्राबाबू नायडू यांनी भाजपचे ज्येष्ठ नेते मुरली मनोहर जोशी यांची भेट घेतली.

अभिनेता शाहरूख खान, उद्योगपती मुकेश अंबानी, अनंत अंबानी सुद्धा नरेंद्र मोदी यांच्या शपथविधीसाठी राष्ट्रपती भवनात पोहचले आहेत.

अभिनेता विक्रांत मॅसी आणि राजकुमार हिराणी यांनीही मोदींची शपथविधी सोहळ्याला हजेरी लावली आहे.

नरेंद्र मोदी यांच्या शपथविधी सोहळ्याला अभिनेता अक्षय कुमार यानं उपस्थिती लावली आहे.

शपथविधीसाठी मंत्री पोहोचणे सुरू झाले आहेत. मंचावर जीतन मांझी आणि जयंत चौधरी बसलेले दिसत आहे.

"खरंतर हा भावनिक क्षण आहे. आम्ही एकत्र राहिलो मोठे झालो. मुळशीतील मुठा आणि जातडे गावात लहानाचे मोठे झालो.. लहानपणाचा मित्र आज नरेंद्र मोदी यांच्या मंत्रिमंडळात मंत्री होतोय, ही आमच्यासाठी मित्र म्हणून खूप मोठी गोष्ट आहे. मुरलीधर अण्णा तुला खूप खूप शुभेच्छा... दुबई मधून तुला घट्ट मिठी...हा संपूर्ण पुणेकरांचा अभिमान आहे," असं दिग्दर्शक प्रवीण तरडेंनी म्हटलं.

मोदी सरकार 3.0 च्या शपथविधी सोहळ्याला भाजप नेते एस. जयशंकर यांनी उपस्थिती लावली आहे.

माजी केंद्रीय मंत्री अनुराग ठाकूर यांनी म्हटलं, नरेंद्र मोदी यांच्या तिसऱ्या कार्यकाळासाठी मी त्यांना शुभेच्छा आणि अभिनंदन करतो. सर्व मंत्री अद्भूत कार्य करून पुढील 5 वर्षात देशाला पुढे नेतील.

नितीन गडकरी, पीयूष गोयल, प्रतापराव जाधव, रक्षा खडसे, रामदास आठवले, मुरलीधर मोहोळ 'मोदी 3.0 सरकार'मध्ये शपथ घेणार आहेत.

मोदींच्या शपथविधीला आम्ही हजेरी लावणार आहोत. आम्हाला कॅबिनेटमंत्रिपद हवं होतं. पण, राज्यमंत्रिपद मिळत असल्यानं नाकारलं. आम्ही काही काळ वाट बघू, पण आम्हाला कॅबिनेटमंत्रिपद हवं, असं अजित पवारांनी सांगितलं.

लोकसभा निवडणुकीच्या निकालानंतर देशात पुन्हा एकदा भाजपच्या नेतृत्वाखालील 'एनडीए' सरकार स्थापन होत आहे. जवाहरलाल नेहरा यांच्यानंतर सलग तिसऱ्यांदा पंतप्रधानपदाची शपथ घेणारे नरेंद्र मोदी हे पहिले नेते आहेत. लोकसभा निवडणुकीत भाजपने सर्वाधिक 240 जागा जिंकल्या तर एनडीए आघाडीने 294 जागा जिंकल्या. शपथविधीसाठी काँग्रेस अध्यक्ष मल्लिकार्जुन खर्गे यांना निमंत्रित करण्यात आलं आहे. मल्लिकार्जुन खर्गेंही शपथविधीला उपस्थित राहणार आहेत. त्यासह शेजारील देशांतील पंतप्रधान आणि मंत्रीही शपथविधी सोहळ्याला उपस्थित राहणार आहेत.