Rahul Gandhi News : "तुम्ही ओबीसी समाजाचा अपमान केला का?" ; राहुल गांधी म्हणाले...

Rahul Gandhi On Obc Community : काँग्रेसंचे माजी अध्यक्ष व नेते राहुल गांधी (Rahul Gandhi) मोदी आडनावावरून केलेल्या वक्तव्याप्रकरणी गुजरातमधील सुरत न्यायालयाने त्यांना २ वर्षांची शिक्षा सुनावली. यानंतर काल (दि. २४ मार्च) त्यांची संसद सदस्यत्व रद्द करण्यात आलं. काँग्रेस पक्षासाठी हा सर्वात मोठा धक्का आहे. लोकसभा सचिवालयाच्या या निर्णयाविरोध तीव्र संताप व्यक्त केला. याच पार्श्वभूमीवर राहुल गांधी यांनी पत्रकार परिषद घेतली.

या पत्रकार परिषेदेत एका पत्रकाराने त्यांना प्रश्न विचारला आला की, "न्यायालयाचा जो निकाल आला त्यावरून भाजपने म्हंटले आहे की, राहुल गांधींनी ओबीसी समाजाचा अपमान केला," या प्रश्नावर राहुल गांधींनी संतापून उत्तर दिले.

यावर बोलताना राहुल गांधी म्हणाले, "तुम्ही एवढे थेटपणे भाजपसाठी का काम करत आहात. भाजरसाठी काम करताना जरा संदिग्धतेने करा. जरा फिरून फिरून प्रश्न विचारा. तुम्हाला असं काम करण्यासाठी असा आदेश देण्यात आला आहे का? पहा ते हसत आहेत. जरा फिरून फिरून प्रश्न विचारा. तुम्ही भाजपसाठी काम करत असाल तर, भाजपचे छातीवर भाजपचे सिंबॉल लावून या. तेव्हा मी तुम्हाला त्या प्रमाणेच उत्तर देईन. स्वत:ला माध्यमकर्मी म्हणवून घेवू नका, असे राहूल गांधी म्हणाले.

राहुल गांधी पुढे म्हणाले, "भारतात लोकशाहीवर आक्रमण होत आहे. याचे रोज आपल्याला नवे नवे उदाहरण पाहायला मिळत आहे. मी सरकारला एकच प्रश्न विचारला होता. गौतम अदानी यांच्या शेल कंपनीत २० हजार कोटी रूपये कोणी गुंतवले. कारण हे २० हजार कोटी रूपये, कारण हे पैस अदानींचे नाहीत. दुसऱ्या कोणाचे तरी आहेत. मी २० हजार कोटी कोणाचे हाच प्रश्न केला होता."

"मी विचारलं होतं की, गौतम अदानी आणि पंतप्रधान मोदींचं नातं काय आहे? हे आजचं नातं नाही, मोदी गुजरातचे मुख्यमंत्री असल्यापासून अदानींशी त्यांचं नातं आहे. एअरपोर्ट नियम बदलून ते अदानींना दिले गेले. माझ्यावर आरोप केले जात आहेत की, मी विदेशी शक्तींची मदत घेतली. मी लोकसभा अध्यक्षांना पत्र लिहलं की, हा खोटा आरोप आहे. आणि यावर मला बोलू दिलं जात नाही. पण अध्यक्षांचं उत्तर आलं नाही, मी प्रश्न विचारण बंद करणार नाही, माझं संसद सदस्यत्व रद्द करून ते मला थांबवतील असं वाटत असेल तर, मी त्यांना घाबरणार नाही," असेही राहुल गांधी म्हणाले.