Rajya Sabha Election : काँग्रेसकडून ७ राज्यसभा जागांवर उमेदवारांची घोषणा; 'या' खासदारांना दिली पुन्हा संधी

Rajya Sabha Election : राज्यसभेच्या २४ रिक्त जागा आणि पोटनिवडणुकीसाठी निवडणूक जाहीर झाली असून १८ जून रोजी मतदान पार पडणार आहे. या निवडणुकीसाठी काँग्रेसनं पहिल्या टप्प्यात आपल्या ७ उमेदवारांच्या नावाची घोषणा केली आहे. यामध्ये 'या' खासदारांना पुन्हा राज्यसभेवर जाण्याची संधी देण्यात आली आहे.

काँग्रेसनं जाहीर केलेली उमेदवारांची यादी

1) कर्नाटक

मल्लिकार्जुन खर्गे

पवन खेरा

मंसूर अली ख़ान

2) मध्यप्रदेश

मीनाक्षी नटराजन

3) राजस्थान

नीरज ढांगी

4) तमिलनाडू

प्रवीण चक्रवर्ती

5) झारखंड

प्रणव झा

राज्यांचं बलाबल आणि एनडीएची मजबूत स्थिती

या निवडणुकीत ज्या राज्यांतील जागांसाठी राज्यसभेची निवडणूक लागली आहे. या निवडणुकीत तिथल्या आमदारांची संख्याच निर्णायक ठरणार आहे. सध्याची राजकीय समिकरणं पाहिली तर भाजप आणि एनडीएची स्थिती मजबूत आहे. राज्यसभेत आपली ताकद वाढवण्यासाठी एनडीए सध्या सर्वात मजबूत स्थितीत आहे. यावेळी प्रमुख निवडणुकीचा मुकाबला गुजरात, मध्य प्रदेश आणि राजस्थानसारख्या मोठ्या राज्यांवर केंद्रीत झालं आहे.