किव्ह : रशियाने युक्रेनविरुद्ध पुकारलेले युद्ध सुरूच असून, राजधानी किव्हजवळ रशियन सैन्य पोचले आहे. रशियाची क्रूरताही या निमित्ताने समोर आली आहे. याचवेळी रशियाने युक्रेनच्या अनेक शहरांवरूल बॉम्बहल्ले सुरूच ठेवले आहेत. मरिऊपोल शहराला रशियना सैन्याने घातलेला वेढा कायम आहे. यामुळे लोक उपासमारीने मरू लागले असून, रस्त्यांवर सगळीकडे मृतदेह दिसू लागले आहेत.
मरिऊपोल शहराला रशियाने सैन्याने मागील काही दिवसांपासून वेढा घातला आहे. या शहरावर सातत्याने रशियाकडून बॉम्बहल्ले सुरू आहेत. दर अर्ध्या तासाने शहरावर बॉम्बहल्ले होत आहेत, अशी माहिती मरिऊपोलच्या महापौरांनी दिली. आतापर्यंत शहरातील 1 हजार 200 नागरिकांचा बळी गेला आहे. रशियाने शहराचा वीज आणि पाणी पुरवठा 11 दिवसांपासून बंद केला आहे. यामुळे नागरिक उपासमारीने मरत आहेत. रस्त्यांवर सगळीकडे मृतदेह पडलेले दिसत आहेत. शहरातील परिस्थिती दिवसेंदिवस बिघडत आहे.
रशियाने (Russia) अनेक शहरांतील नागरी वसाहतींवर हल्ले सुरू आहेत. यामुळे रशियाकडून मोठ्या प्रमाणात युद्ध गुन्हे सुरू असल्याचा इशारा देण्यात आला आहे. किव्हसह ओडेसा, खारकिव्ह, चेरस्की आणि लिव्ह या शहरांत बॉम्बहल्ले सुरू आहेत. याचबरोबर सुमी भागातही हल्ले सुरू आहेत. अनेक शहरांत अनेकवेळा बॉम्बहल्ल्याचे सायरन वाजत असून, नागरिकांना सुरक्षित ठिकाणी आश्रय घेण्यास सांगण्यात येत आहे.
रशियाच्या सैन्याने युक्रेनमधील दक्षिणेकडील मेलिटोपोल शहरात प्रवेश केला आहे. या शहराच्या महापौरांना रशियन सैन्याने ताब्यात घेतले आहे. महापौर इव्हान फेडोरोव्ह यांचे अपहरण करण्यात आले आहे, असा दावा युक्रेनच्या संसदेच्या ट्विटरवर केला आहे. शत्रूला सहकार्य करण्यास नकार दिल्याने त्यांचे अपहरण करण्यात आल्याचे स्पष्ट करण्यात आले आहे. मरिऊपोल शहरात रशियाक़डून बॉम्बहल्ले सुरूच आहेत.
झेलेन्स्की ठार झाल्यास नवा प्लॅन
रशियाने युक्रेनचे अध्यक्ष वोलोदिमीर झेलेन्स्की (Volodymyr Zelenskyy) यांना ठार मारण्याचा प्रयत्न तीन वेळा केल्याचे नुकतेच समोर आले होते. या चर्चेनंतर अमेरिकेच्या परराष्ट्रमंत्र्यांनी मोठा दावा केला होता. रशियानं झेलेन्स्की यांची हत्या केली तरी युक्रेनकडे (Ukraine) पुढचा प्लॅन तयार असल्याचं वक्तव्य त्यांनी केलं होतं. दरम्यान, रशियाची युक्रेनमधील आगेकूच सुरू असून अनेक शहरांमध्ये हल्ले सुरूच आहेत. (Russia Ukraine War)
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.