Terrorist Attack : मोठी बातमी! जम्मू-काश्मीरमध्ये यात्रेकरूंच्या बसवर दहशतवादी हल्ला; दहा जणांचा मृत्यू

Terrorist attack on pilgrim in Jammu kashmir जम्मू-काश्मीरमध्ये यात्रेकरू प्रवास करत असलेल्या एका बसवर मोठा दहशतवादी हल्ला झाल्याची माहिती समोर आली आहे. प्राप्त माहितीनुसार या हल्ल्यात दहा जणांचा मृत्यू झाला आहे. या हल्ल्यानंतर बस दरीत कोसळली. ही बस शिवखोडा मंदिर येथून कटराकडे जात होती. तेव्हाच दहशतवाद्यांनी बसवर गोळीबार केला.

या हल्ल्यात बसचेही मोठे नुकसान झाले आणि घटनास्थळी मृतदेह इतरत्र पडलेले होते. यानंतर स्थानिकांनी जखमींच्या मदतीसाठी घटनास्थळी धाव घेतली. रस्ता खराब असल्याने जखमींना रुग्णवाहिकेपर्यंत नेण्यासाठी स्थानिक नागरिकांनी मदत केली.

पोलीस अधिकाऱ्यांनी प्राथमिक माहिती देताना सांगितले, शिवखोडी मंदिर परिसरातून जात असलेल्या यात्रेकरूंच्या बसवर पोनी भागातील तेरयाथ गावात हल्ला झाला. बचावकार्य सुरू आहे. पोलीस, सेना आणि अर्धसैनिक दलाचे जवाना घटनास्थळी हजर आहेत.

(Edited by - Mayur Ratnaparkhe)