तृणमूल कार्यालयाबाहेर भाजप नेत्यांच्या रांगा ; बॅनर्जींचा दावा

कोलकता : मुख्यमंत्री ममता बॅनर्जी (Mamata Banerjee) यांचे भाचे अभिषेक बॅनर्जी (Abhishek Banerjee) यांनी मुर्शिदाबाद जिल्ह्यातील समशेरगंज विधानसभा मतदारसंघात बोलताना त्यांनी भाजपवर टीका केली. ''राज्यातील भाजप नेते आणि त्यातही आमदार असणारे हे तृणमूल कॉंग्रेसच्या (Trinamool Congress) कार्यालयाबाहेर रांग लावत आहेत. परंतु दरवाजा बंद आहे. जर दरवाजा उघडला तर नक्कीच भाजप कोलमडून पडेल,'' असे अभिषेक बॅनर्जी म्हणाले.

गेल्या काही दिवसात भाजप नेत्यांनी तृणमूल कॉंग्रेसमध्ये प्रवेश केल्याने अभिषेक बॅनर्जी यांनी आणखी काही नेते भाजपमध्ये येण्यास उत्सुक असल्याचे मत मांडले.पश्‍चिम बंगालमधील भाजपचे नेते हे तृणमूल कॉंग्रेसमध्ये प्रवेश घेण्यासाठी कार्यालयाबाहेर रांग लावत असल्याचा दावा सत्तारूढ तृणमूल कॉंग्रेसचे सरचिटणीस अभिषेक बॅनर्जी यांनी केला आहे. दरवाजा उघडला तर राज्यातील भाजप पक्ष ढासळेल, असा दावाही त्यांनी केला.

बॅनर्जी म्हणाले, की राज्यातील भाजप नेते आणि त्यातही आमदार असणारे हे तृणमूल कॉंग्रेसच्या (Trinamool Congress) कार्यालयाबाहेर रांग लावत आहेत. परंतु दरवाजा बंद आहे. जर दरवाजा उघडला तर नक्कीच भाजप कोलमडून पडेल. ममता बॅनर्जी यांनी विधानसभा निवडणुकीत राज्याबाहेरच्या लोकांना पिटाळून लावले होते. आगामी निवडणुकीतही असेच घडणार आहे, असे बॅनर्जी म्हणाले.

राज्यात समशेरगंजसह तीन विधानसभा क्षेत्राची ३० सप्टेंबरला पोटनिवडणूक होत आहे. समशेरगंज मतदारसंघातून अमिरुल इस्लाम यांना उमेदवारी देण्यात आली आहे. कॉंग्रेसचे उमेदवार रिझुल हक यांचे निधन झाल्याने निवडणूक स्थगित केली होती. आता पोटनिवडणूक होत आहे. त्रिपुरातील भाजप सरकारने निवडणूक प्रचारसभा रोखण्यासाठी जमावबंदीचा कायदा लागू केला आहे. यावर बोलताना बॅनर्जी म्हणाले, ''त्रिपुरात किती दिवस निर्बंध लागू ठेवाल. येत्या विधानसभेला तृणमूलचा नक्कीच विजय होईल. येत्या तीन महिन्यांत तृणमूलचे यश लोकांना पाहावयास मिळेल.'' त्रिपुरात पुढील वर्षाच्या प्रारंभी विधानसभा निवडणूक होत आहे.