Joe Biden News: अमेरिकेचे राष्ट्राध्यक्ष जो बायडेन भर कार्यक्रमात पाय अडखळून पडले; नेमकं काय घडलं?

US News: अमेरिकेचे राष्ट्राध्यक्ष जो बायडेन हे भर कार्यक्रमातच स्टेजवर पाय अडखळून पडल्याचा एक व्हिडिओ व्हायरल झाला आहे. अमेरिकेच्या हवाई दलात नवीन भरती झालेल्या जवानांना पदवी बहाल करण्यासाठी जो बायडेन यांनी एका कार्यक्रमाला हजेरी लावली होती.

यावेळी पदवीदान समारंभाच्या स्टेजवरच जो बायडेन हे पाय अडखळून पडले. या घटनेचा व्हिडिओ सध्या मोठ्या प्रमाणात व्हायरल होत आहे.

काय आहे व्हिडिओ?

अमेरिकेचे राष्ट्राध्यक्ष जो बायडेन यांनी अमेरिकन हवाई दलामध्ये नवीन भरती झालेल्या जवानांना पदवी बहाल करण्यासाठीच्या एका कार्यक्रमाला हजेरी लावली होती. यावेळी त्यांनी तेथे भाषणही केले. बरोबरच तेथील जवानाला पदवी बहाल केली. तसेच अमेरिकेच्या हवाई दलाच्या एका अधिकार्‍याबरोबर हस्तांदोलनही केलं.

त्यानंतर बाजूला जाण्साठी पाऊल टाकताच जो बायडेन पाय अडखळून स्टेजवरच खाली कोसळले. मात्र, लगेच तेथे उपस्थित असलेल्या अधिकाऱ्यांनी त्यांना मदत करत उठवलं. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे.

दरम्यान, अमेरिकेचे राष्ट्राध्यक्ष जो बायडेन हे पाय अडकून पडल्यानंतर या घटनेबाबत अमेरिकेच्या व्हाईट हाऊसने घडलेल्या घटनेनंतर ट्वीट करत जो बायडेन यांच्या तब्येतीबद्दल माहिती देत ते व्यवस्थित असल्याचं म्हटलं आहे.

Edited By-Ganesh Thombare