केजरीवाल यांचा पंजाब पॅटर्न गुजरातमध्ये यशस्वी ठरणार का?

Gujarat Assembly Elections : आगामी गुजरात विधानसभा निवडणुकीसाठी आम आदमी पक्षाचे (आप) अध्यक्ष आणि दिल्लीचे मुख्यमंत्री अरविंद केजरीवाल (Arvind Kejariwal) आज मुख्यमंत्री पदाच्या उमेदवाराची घोषणा करणार आहेत. राज्यातील जनतेच्या मताच्या आधारे मुख्यमंत्री केजरीवाल त्यांच्या पक्षाच्या मुख्यमंत्रिपदाच्या उमेदवाराच्या नावाची घोषणा करणार आहेत.

पक्षाच्या पदाधिकाऱ्यांनी गुरुवारी (३ नोव्हेंबर) ही माहिती दिली. 29 ऑक्टोबर रोजी केजरीवाल यांनी जनतेला एसएमएस, व्हॉट्सअॅप, व्हॉईस मेल आणि ई-मेलद्वारे पक्षाशी संपर्क साधावा आणि राज्यात पक्षाचा मुख्यमंत्रिपदाचा उमेदवार कोण असावा, हे सांगण्याचे आवाहन केले.

पंजाब प्रमाणे गुजरातमध्येगी केजरीवालाचे जनतेला

मुख्यमंत्री अरविंद केजरीवाल यांनी लोकांना ३ नोव्हेंबरपर्यंत आपले मत देण्यास सांगितले होते. त्याआधारे पक्षाचा मुख्यमंत्रिपदाचा उमेदवार 4 नोव्हेंबरला जाहीर केला जाणार आहे. मुख्यमंत्रिपदाच्या शर्यतीत असलेल्या आप नेत्यांमध्ये पक्षाचे प्रदेशाध्यक्ष गोपाल इटालिया, राष्ट्रीय सरचिटणीस इसुदान गढवी आणि सरचिटणीस मनोज सोराठिया यांचा समावेश आहे. केजरीवाल आज (४ नोव्हेंबर) अहमदाबादमध्ये पत्रकार परिषदेत पक्षाच्या मुख्यमंत्रिपदाच्या उमेदवाराची घोषणा करतील. 182 सदस्यीय गुजरात विधानसभेसाठी 1 आणि 5 डिसेंबरला दोन टप्प्यात निवडणुका होत आहेत. तर 8 डिसेंबर रोजी मतमोजणी होणार आहे.

मुख्यमंत्री केजरीवाल यांनी पंजाब विधानसभा निवडणूकीत अशाच प्रकारे नागरिकांच्या प्रतिक्रिया घेऊन भगवंत मान यांना मुख्यमंत्री पदाचा उमेदवारी दिली होती. त्यात ते यशस्वी ठरले होते. पंजाबनंतर त्यांनी गुजरातमध्येही लागू केलेला हा पॅटर्न यशस्वी ठरणार का? हे पाहणे महत्त्वाचे ठरणार आहे.

गुजरातमध्ये 1995 पासून भाजपची सत्ता आहे. पण यावेळी आम आदमी पक्षाच्या प्रवेशाने ही निवडणूक रंजक बनली आहे. कारण भारतीय जनता पक्षाला 1995 पासून भाजपलला गुजरातमधील विजय अखंडित ठेवायचा आहे. पण त्याचवेळी प्रमुख विरोधी पक्ष काँग्रेस आपल्या प्रचाराला धार देण्यात व्यस्त असल्याचे दिसत आहे.

निवडणुकीच्या तारखांची घोषणा करताना मुख्य निवडणूक आयुक्त राजीव कुमार म्हणाले की, एकूण 182 सदस्यीय गुजरात विधानसभेसाठी पहिल्या टप्प्यात 89 जागांसाठी आणि दुसऱ्या टप्प्यात 93 जागांसाठी मतदान होणार आहे. तर हिमाचल प्रदेशात मतमोजणीबरोबरच ८ डिसेंबरला मतमोजणी होणार आहे. यावेळी निवडणूक आयुक्त अनूप चंद्र पांडे आणि आयोगाचे उच्चपदस्थ अधिकारी उपस्थित होते.