राष्ट्रवादाच्या प्रचाराचा भाजपचा निश्‍चय : योगी आदित्यनाथ
गोरखपूर - उत्तर प्रदेश विधानसभेत बहुमत मिळेल असा विश्‍वास व्यक्त करत भारतीय जनता पक्षाचे नेते योगी आदित्यनाथ यांनी भारतीय जनता पक्षाने विकास करण्याचा आणि राष्ट्रवादाच्या प्रचाराचा निश्‍चय केला असल्याचे सांगितले आहे.
उत्तर प्रदेश विधानसभेच्या सहाव्या टप्प्यासाठी आज मतदान झाले. योगी आदित्यनाथ यांनी आज आपला मतदानाचा हक्क बजावला. मतदानानंतर प्रसारमाध्यमांशी बोलताना आदित्यनाथ म्हणाले, "आम्ही केलेला प्रचार हा धार्मिक नव्हता. विकास करणे आणि राष्ट्रवादाचा प्रचार करणे हेच भाजपचे धोरण आहे. पंतप्रधान नरेंद्र मोदी यांनी केंद्रामध्ये जे काम केले आहे, जनता त्याची साक्षी आहे. त्यामुळेच जनता आम्हाला पाठिंबा देत आहे.'
उत्तर प्रदेशातील 40 विधनासभा मतदारसंघासाठी 17 हजार 926 मतदान केंद्रावर आज मतदान पार पडत आहे. या पार्श्‍वभूमीवर कडेकोट बंदोबस्त तैनात करण्यात आला आहे. आज (शनिवार) सकाळी नऊ वाजेपर्यंत 11 टक्के मतदानाची नोंद करण्यात आली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.