शाहरुख खानला डॉक्‍टरेट देण्यास मनुष्यबळ विकास मंत्रालयाचा नकार
नवी दिल्ली : दिल्लीच्या जामिया मिलिया इस्लामिया (जेएमआय) युनिर्व्हसिटीने शाहरुख खानला विशेष सन्मान म्हणून डॉक्‍टरेट पदवी देण्याची केलेली विनंती केंद्रीय मनुष्यबळ विकास खात्याने फेटाळली आहे.
चित्रपट अभिनेता शाहरुख खान याला यापूर्वीच अनेक विद्यापीठांनी अशी डॉक्‍टरेट पदवी दिली असल्याचे कारण पुढे करून मंत्रालयाने त्यास डॉक्‍टरेट देण्यास मनाई केली आहे. माहिती अधिकाराच्या एका अर्जातून ही माहिती समोर आली आहे.
शाहरुख खान 'जेएमआय'चा माजी विद्यार्थी आहे. विद्यापीठाने त्याच्याकडे डॉक्‍टरेट देण्याबाबत पत्रव्यवहार केला असताना शाहरुख खानने ही पदवी स्वीकारण्याची तयारी दाखवली होती. त्यानंतर विद्यापीठाने हा प्रस्ताव मंत्रालयाकडे पाठवला होता. मौलाना आझाद राष्ट्रीय विद्यापीठाने 2016मध्ये शाहरुख खानला डॉक्‍टरेट ही पदवी दिली असल्याने पुन्हा एकदा तीच पदवी देण्यास मंत्रालयाने मनाई केली असल्याचे सूत्रांनी सांगितले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.