पंंतप्रधान मोदींच्या हस्ते नव्या संसद भवनावर विशालकाय अशोक स्तंभाचे अनावरण

तांबे या धातुपासून बनवण्यात आलेल्या या विशालकाय अशोक स्तंभाचे वजन तब्बल 9500 किलो इतके आहे. तर त्यांच्या आधारासाठी सुमारे 6500 किलो वजनाची स्टीलची आधारभूत रचना देखील तयार करण्यात आली आहे.

नवीन संसद भवनाच्या छतावरील अशोक स्तंभाचे प्रतीक आठ टप्प्यांच्या प्रक्रियेनंतर तयार करण्यात आल्याचे सांगण्यात येत आहे.

PM Narendra Modiसंसदेच्या नवीन इमारतीच्या बांधकामावर आणखी 200 कोटी रुपये खर्च होऊ शकतात. स्टील, इलेक्ट्रॉनिक्स आणि इतर कामांवर हा खर्च वाढत असल्याचे सांगण्यात येत आहे

जानेवारीमध्ये केंद्रीय सार्वजनिक बांधकाम विभागाने (CPWD) संसदेच्या नवीन इमारतीच्या बांधकामाच्या खर्चात वाढ करण्यासाठी लोकसभा सचिवालयाकडे मंजुरी मागितली होती. या वाढीनंतर संसद भवनाचे बजेट 1200 कोटी रुपयांपर्यंत पोहोचण्याची शक्यता आहे.

2020 मध्ये, नवीन संसद भवन बांधण्याचा प्रकल्प टाटा प्रोजेक्ट्सकडून 971 कोटी रुपये प्राप्त झाला.

सरकारने या इमारतीसाठी ऑक्टोबर 2022 ची अंतिम मुदत निश्चित केली होती आणि यावर्षी संसदेच्या नवीन इमारतीत हिवाळी अधिवेशन आयोजित करण्याचे लक्ष्य ठेवले होते.