मंत्री धनंजय मुंडे क्रिकेटनामात रंगले...

दरम्यान, दोन दिवसीय सामन्यांनंतर धनंजय मुंडे यांनी ट्विट करत आनंद व्यक्त केला आहे. ''सकाळ माध्यम समूहाच्या सरकारनामा आयोजित क्रिकेटनामा या मैत्रीपूर्ण क्रिकेट स्पर्धेत राष्ट्रवादी कॉंग्रेस टीमच्या वतीने सहभागी होऊन, क्रिकेटचा आनंद घेतला. राष्ट्रवादी विरुद्ध काँग्रेस असा मैत्रीपूर्ण सामना आम्ही जिंकला, अनिकेत तटकरे भाई सुंदर खेळी करत सामनावीर ठरला!

राजकीय पटलावर सदैव एकमेकांच्या स्पर्धेत किंवा विरोधात टोलेबाजी करणाऱ्या राजकीय पक्षांच्या नेते मंडळींना एकत्र आणून या क्रिकेट सामन्याच्या माध्यमातून वेगळे खेळीमेळीचे व्यासपीठ उपलब्ध करून दिल्याबद्दल सरकारनामा टीमचे आभार व अभिनंदन! अशा भावना धनंजय मुंडे यांनी व्यक्त केल्या आहेत.

राजकीय मैदानात जोरदार गोलंदाजी-फलंदाजी करणाऱ्या राजकीय नेत्यांची सरकारनामा आयोजित क्रिकेटनामा स्पर्धेत प्रत्यक्ष क्रिकेटच्या मैदानातली कामगिरीही जोरदारपणे रंगली होती

राजकीय नेते, पोलिस अधिकारी अन् क्रिकेटप्रेमींच्या उपस्थितीत राष्ट्रवादी काँग्रेसने आपला सहकारी पक्ष शिवसेनेवर मात करीत रविवारी सरकारनामा 'क्रिकेटनामा'चषक पटकावला. 'क्रिकेटनामा' चषक पटकावणारा राष्ट्रवादी हा पहिला संघ ठरला.

सरकारनामामाने भरविलेल्या सामन्याचा चषक कोण जिंकणार यांची प्रचंड उत्सुकता होती. अंतिम फेरीत राष्ट्रवादी आणि शिवसेना आमने-सामने आले. पहिल्यांदा फलंदाजी करुन राष्ट्रवादीने ४८ धावांचे टार्गेट शिवसेनेपुढे ठेवले.

सरकारनामाची ट्रफी जिंकण्यासाठी सेमीफायनलकडे साऱ्यांच्या नजरा होत्या. राष्ट्रवादी आणि पोलिस या दोन्ही संघामध्ये ताकदवान खेळाडू होते. राष्ट्रवादीने पहिली फलंदाजी केली. यामध्ये त्यांनी ३५ धावांचे आव्हान उभे केले.

.शहराध्यक्ष प्रशांत जगताप यांच्या नेतृत्वात उतरलेल्या राष्ट्रवादीच्या टीमने विजय मिळवला. राष्ट्रवादीकडून अनिकेत तटकरे यांनी शेवटपर्यंत किल्ला लढवला.

राष्ट्रवादीने आक्रमक शेत्ररक्षण करत पोलिस संघाला शेवटपर्यंत झुंजायला लावले. एकामागे एक विकेट पडल्यामुळे पोलिस प्रशासनाच्या संघ अडचणीत आला.

राष्ट्रवादीच्या संघाचे कर्णधार प्रशांत जगताप यांनी रणनिती करत क्षेत्ररक्षण केले. त्यामुळे अटीतटीच्या सामन्यात राष्ट्रवादीने विजय मिळवत फायनलमध्ये प्रवेश केला

सरकारनामाचा 'क्रिकेटनामा'स्पर्धेत शिवसेनेपुढे ४८ धावांचा डोंगर उभा केलेल्या राष्ट्रवादीने शिवसेनेला २६ धावांच्या पुढे जाऊ दिले नाही. महाविकास आघाडीत एकत्र असलेल्या राष्ट्रवादी आणि शिवसेनेनं हा सामना राजकीयदृष्ट्या प्रतिष्ठेचा केला.

दोन्ही संघाने डावपेच रचल्याने चुरस निर्माण झाली होती. "मी आधीच सांगितले होते राष्ट्रवादी जिंकणार. आता महापालिका देखील राष्ट्रवादीच जिंकणार. महापौर राष्ट्रवादीचाच होणार," असे प्रशांत जगताप म्हणाले.

राष्ट्रवादीच्या संघाचे कर्णधार प्रशांत जगताप यांनी रणनिती करत क्षेत्ररक्षण केले. त्यामुळे अटीतटीच्या सामन्यात राष्ट्रवादीने विजय मिळवत फायनलमध्ये प्रवेश केला.