PM Modi Mumbai Visit: पंतप्रधान मोदींच्या हस्ते दोन 'वंदे भारत' एक्सप्रेसला हिरवा झेंडा, हे खास फोटो पाहाच

पंतप्रधान नरेंद्र मोदी यांनी वंदे भारत एक्सप्रेसला हिरवा झेंडा दाखवला.

 पंतप्रधान मोदी आज (10 फेब्रुवारी) मुंबई दौऱ्यावर आहेत.

नरेंद्र मोदींच्या हस्ते आज पायाभूत सुविधा प्रकल्प आणि सैफी अकादमीच्या अंधेरी पूर्व येथील संकुलाचे उद्घाटन झालं.

या कार्यक्रमाच्या वेळी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी गणपतीची मुर्ती देऊन पंतप्रधांचं स्वागत केलं.

पंतप्रधान मोदींनी छत्रपती शिवाजी महाराज टर्मिनस येथून दोन 'वंदे भारत' ट्रेनला हिरवा झेंडा दाखवला. पहिली वंदे भारत ट्रेन मुंबई ते सोलापूर दरम्यान धावेल आणि दुसरी मुंबई ते साईनगर शिर्डी दरम्यान धावणार आहे.

मुंबई-शिर्डी आणि मुंबई-सोलापूर वंदे भारत एक्सप्रेसचं लोकार्पण यावेळी करण्यात आलं.

यावेळी बोलतांना मोदी म्हणाले, पहिल्यांदाच एका वेळी 2 वंदे भारत ट्रेन सुरू झाल्या आहेत. यामुळे राज्यातील पर्यटन आणि तीर्थक्षेत्रांना चालना मिळणार आहे.

आज रेल्वेच्या क्षेत्रात मोठी क्रांती झाली आहे. देशाला आज नववी आणि आणि दहावी वंदे भारत एक्सप्रेस अर्पण करताना मला आनंद होत आहे.