कसबा विधानसभा मतदारसंघाच्या आमदार मुक्ता टिळक यांच्या निधनानंतर रिक्त झालेल्या जागेवर पोटनिवडणूक जाहीर झाली आहे. येथे भाजपने माजी नगरसेवक हेमंत रासने यांना उमेदवारी दिली आहे.
हेमंत रासणे हे सलग (2002, 2012, 2017) तीन वर्षे पुणे महापालिकेत नगरसेवक होते.
त्यांनी पुणे महापालिका स्थायी समितीचे अध्यक्षपद भूषवले आहे.
सुवर्णयुग सहकारी बँकेचे ते अध्यक्ष आहेत.
पुण्यातील प्रसिद्ध दगडूशेट हलवाई गणपती मंदिराचे विश्वस्त आहेत. त्यामुळे त्यांचा कसब्यात दांडगा जनसंपर्कही आहे.
हेमंत रासने यांचा कसब्यातील गणेस मंडळांशी चांगला संपर्क आहे.
भाजपचा ओबीसी चेहरा म्हणून त्यांच्याकडे पाहिले जाते. अनेक वर्षांपासून रासने हे राजकारणात सक्रिय आहेत.
सगळ्यात महत्त्वाचं म्हणजे देवेंद्र फडणवीस आणि खासदार गिरीश बापट यांचे ते निकटवर्तीय आहेत. तसेच त्यांच्या दांडगा जनसंपर्कामुळे कसबा मतदारसंघात उमेदवारी मिळाली आहे.