कोल्हापूर : ‘‘बोलणे सोपे असते, वास्तवात तसे करणे अवघड असते. चंदगड विधानसभा मतदारसंघ भाग्यशाली आहे, कारण येथे राजेश पाटील यांच्यासारखा आमदार बोलल्याप्रमाणे वागणारे आहेत. विकासकामांचा डोंगर रचून विकासाचे शिल्पकार बनलेल्या राजेश पाटील यांचा विजय निश्चित आहे, असा विश्वास भाजपचे संग्राम कुपेकर यांनी व्यक्त केला.
महायुतीचे उमेदवार राजेश पाटील यांच्या प्रचारासाठी भडगाव (ता. गडहिंग्लज) येथे झालेल्या सभेत ते बोलत होते. श्री कुपेकर म्हणाले, ‘विरोधकांना इतर कोणते काम केले नसल्याने टीका करणे हेच त्यांचे काम बनले आहे. विरोधक साम, दाम, दंड, भेदाचा वापर करीत असले तरी बहिणींनी व मतदारांनी आपले मत राजेश पाटील यांनाच देण्याचे ठरवले आहे.’
शेतकऱ्यांना हात देऊन साथ देणाऱ्या आमदार श्री. पाटील यांना सर्व स्वाभिमानी शेतकऱ्यांची साथ मिळेल, असे मत राज्य सचिव राजेंद्र गड्यान्‍नावर यांनी व्यक्त केले. मला पुन्हा संधी द्यावी, पुढील पाच वर्षांत एवढा निधी आणू की, चंदगडचा विकास जगाच्या नकाशावर पोहोचवतो, असे आमदार श्री. पाटील यांनी सांगितले.
सभेस गडहिंग्लज सहकारी कारखान्याचे अध्यक्ष प्रकाश पत्ताडे, उपाध्यक्ष प्रकाश चव्हाण, राष्ट्रवादीचे रामाप्पा करिगार, आण्णासाहेब पाटील, उदय देसाई, विकी कुणेकरी, दिलीप बेलगुद्री, रवींद्र शेंडुरे, बसवराज हिरेमठ, मल्लाप्पा भोई, संजय कांबळे, तानाजी पाटील, आनंदराव मटकर, अर्जुन रेडकर, अमर पाटील, आदी उपस्थित होते.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.