शाहू महाराज म्हणतात ...राज्याची वाट पुरोगामी की प्रतिगामी ?

कोल्हापूर : " छत्रपती शिवाजी महाराजांनी महाराजांनी स्वराज्याची स्थापना केली. तर राजर्षी शाहू महाराजांनी त्याच्यावरती आधुनिकतेचा कळस चढवला .या दोन महापुरुषांनी दिलेल्या पुरोगामीत्वाच्या विचारांची गरज  आज राज्य आणि देशाला आहे. असे असेल तरी, सध्या आपली वाट पुरोगामी आहे की प्रतिगामी, हेच तपासण्याची वेळ आली आहे",  असे  प्रतिपादन श्रीमंत छत्रपती शाहू महाराज यांनी केले.

राष्ट्रवादीचे नेते आमदार हसन मुश्रीफ यांच्या संताजी घोरपडे साखर कारखान्याच्या गाळप हंगाम शुभारंभ प्रसंगी ते बोलत होते. 

आपले कोल्हापूर नेहमीच पुरोगामी राहिले आहे. हीच दिशा योग्य आणि प्रगतीपथावर नेणारी आहे. या विचारांशीवाय दुसरा पर्याय नाही. पुरोगामी विचाराने गेलो तर जिल्ह्यासह राज्याचे प्रश्न सोडवू शकतो. यासाठी सर्वांनी आपले व्यक्तिगत हेवेदावे बाजूला ठेवून एकसंघ होऊन काम केले पाहिजे, असे प्रतिपादन शाहू महाराज यांनी केले.