Maharashtra Live Politics Update : विधान परिषदेच्या पदवीधर, शिक्षक मतदारसंघासाठी आज मतदान

मनोज जरंगे पाटील यांच्या उपमुख्यमंत्री एकनाथ शिंदे यांच्या आरोपातील गांभीर्य जनतेसमोर स्पष्ट झाले पाहिजे. त्याची वस्तुस्थिती लोकांपुढे आली पाहिजे. यासंदर्भात ठोस पुरावे असतील तर ते जाहीर करावेत, असे आव्हान मंत्री दादा भुसे यांनी दिले. पोलीस यंत्रणेवर विश्वास नसेल तर न्यायालयीन चौकशीची मागणी करावी. जरांगे पाटील यांना याबाबत पर्याय निवडण्याचा पूर्ण अधिकार आहे. या चौकशीसाठी आपण स्वतः पाठपुरावा करून असे शिक्षण मंत्री भुसे म्हणाले.

महाराष्ट्र विधानपरिषद पुणे विभाग पदवीधर व शिक्षक मतदारसंघ निवडणूक-२०२६ साठी आज, दिनांक २३ ऑक्टोबर २०२६ रोजी सकाळी ८ वाजता पुणे जिल्ह्यातील पदवीधर मतदारसंघाच्या १६० आणि शिक्षक मतदारसंघाच्या ७२ मतदान केंद्रांवर शांततेत मतदान प्रक्रियेला सुरुवात झाली आहे.

मुंबई महापालिकेच्या प्रभाग समिती सदस्य निवडीवरून शिंदेची शिवसासेना-भाजपमध्ये अंतर्गत वाद आमदार पुत्राला भोवला आहे. शिंदेंच्या शिवसेनेचे आमदार दिलीप लांडे यांचे पुत्र प्रणव लांडे यांचा पराभव झाला आहे. प्रभाग समिती सदस्य निवडणुकीत त्यांना पराभवाचा झटका बसला.

‘डिजिटल अरेस्ट’च्या नावाखाली निवृत्त सरकारी अधिकाऱ्याला तब्बल २ कोटी १२ लाख रुपयांचा गंडा घालणाऱ्या सायबर टोळीचे उल्हासनगर कनेक्शन उघड झाले आहे. राजस्थान पोलिसांनी उल्हासनगरमधील जिम ट्रेनरच्या मुसक्या आवळल्याने खळबळ उडाली आहे. राजस्थान सायबर पोलिसांनी उल्हासनगरमधील जिम ट्रेनर रविंद्र जितेंद्र प्रसाद सिंह ऊर्फ अक्षय सिंह तथा देवा याला अटक केली आहे. या प्रकरणात आतापर्यंत विविध ठिकाणावरून सात आरोपी जेरबंद झाले आहेत.

विधान परिषदेच्या पदवीधर आणि शिक्षक या दोन्ही मतदार संघांसाठी आज सकाळी ८ ते दुपारी ४ या वेळेत मतदान होणार आहे. महायुतीमधील बंडखोरी आणि महाविकास आघाडीतील बिघाडी झाल्याने काही ठिकाणी मित्रपक्षांचे उमेदवार समोरासमोर आहेत. त्यामुळे या निवडणुकीत रंगत आली आहे.