Nitesh Rane Controversy : 'नारायण राणे असताना फडणवीस बाप कसे...', अंबादास दानवेंकडून नितेश राणेंच्या 'त्या' वक्तव्याचा समाचार

Ambadas Danve News : मंत्री नितेश राणे यांनी धारशिव जिल्ह्याच्या दौऱ्यात 'कोणी किती उड्या मारूद्या सगळ्यांचा बाप भाजपचा मुख्यमंत्री बसला तिथे', असे वक्तव्य केले होते. त्याआधी 'आपला बाॅस सागर बंगल्यावर बसलाय. माझं कोणी काही वाकडं करू शकत नाही', असे देखील वक्तव्य नितेश राणे यांनी केले होते. नितेश राणेंच्या 'बाप' त्यांच्यावर टीका होत आहे.

शिवसेना उद्धव बाळासाहेब ठाकरे पक्षाचे आमदार, विरोधी पक्षनेते अंबादास दानवे म्हणाले, 'नितेश राणेचे बाप नारायण राणेसाहेब आहेत. सगळ असताना फडणवीस कुठून बाप होऊ लागला हेच आम्हाला कळालं नाही.' असे म्हणत नितेश राणेंना डिवचले.

अंबादास दानवे यांनी राणेंसोबत एकनाथ शिंदे यांच्या मंत्र्यांवर देखील टीका केली. ते म्हणाले, 'निधी न देण्यावरून अजितदाद जे बोलले ते बरोबर बोलले. हे लोकं उद्धव ठाकरेंसोबत असताना अजितदादांच्या विरोधात बोंबलत होते. आता त्याच अजितदादाबरोबर तुम्हाला मांडीला मांडी लावून बसावं लगता. त्या गद्दार लोकांची कोंडी पुन्हा एकदा अजितदादांनी केलीय.'

नारायण राणेंची नितेश यांना समज

धाराशिव जिल्ह्याच्या दौऱ्यावर आलेल्या माजी मंत्री, खासदार नारायण राणे यांनी माध्यमांशी बोलताना नितेश राणे यांना मुख्यमंत्री बाप असतो या वक्तव्यावरून समज दिल्याचे सांगितले. ते म्हणाले, मुख्यमंत्री कोणाचा बाप नसतो. मी मुख्यमंत्री असताना सांगायचो की मला साहेब म्हणून नका. सेवक म्हणा. मुख्यमंत्री हा जनतेचा सेवक असतो.

CM फडणवीस काय म्हणाले?

नितेश राणे यांनी केलेल्या वक्तव्यावरून मुख्यमंत्री नितेश राणे यांनी नाराजी व्यक्त केली. ते म्हणाले, कोणाचा बाप काढणे योग्य नाही. या संदर्भात मी त्यांच्याशी बोललो आहे. त्यांनी सांगितले की त्यांनी त्या वेगळ्याच संदर्भात वक्तव्य केले होते. मी त्यांना सांगितले जे परस्पेक्शन जाते ते योग्य नाही.