Bacchu Kadu Bail : बच्चू कडूंना मोठा दिलासा, 'त्या' प्रकरणात तुरुंगवारी टळली

Bacchu Kadu News : माजी आमदार, प्रहार संघटनेचे प्रमुख बच्चू कडू यांच्या अडचणीत वाढ होती झाली होती. आठ वर्षापूर्वीच्या एका प्रकरणात मुंबई सत्र न्यायालयाने त्यांना तीन महिन्याची तुरुंगवासाची शिक्षा सुनावली. तसेच पाच हजार रुपये दंड देखील ठोठावला आहे. त्यामुळे कडू यांची तुरुंगात रवानगी होणार होती. मात्र, उच्च न्यायालयात अपील करे पर्यंत या शिक्षेला स्थगित देत कडू यांना जामीन मंजूर करण्या आला आहे.

कडू यांनी 2018 मध्ये एका सरकारी अधिकाऱ्याला मारहाण केली होती. या प्रकरणात न्यायालयाने त्यांना दोषी मानले आहे. तसेच सरकारी अधिकाऱ्यावर हल्ला करणे धमकावणे या प्रकरणी दंड आणि तीन महिन्याच्या साध्या कैदेची शिक्षा सुनावली होती.

2018 मध्ये राज्य सरकारच्या आयटी विभागाचे तत्कालीन संचालक आणि उपसचिव यांना बच्चू कडू आणि त्यांच्या सात ते आठ सहकाऱ्यांनी घेरावा घातला होता. महापरीक्ष पोर्टल संदर्भातील तक्रारीवर अहवाल देण्याची मागणी कडू यांनी केली होती. त्यानंतर त्यांनी समाधानकारक उत्तर मिळत नसल्याचे कारण देत टेबलवरील आयपॅड उचलून अधिकाऱ्याला मारण्यासाठी उचलला तसेच बघून घेईल, अशी धमकी देखील दिली. या सगळ्या प्रकरणाचे चित्रिकरण देखील करण्यात आले होते.

कोर्टाने कडू यांच्या वर्तवणुकीवर कठोर शब्दांत ताशेरे ओढले. कायदेशीर मार्गाचा अवलंब न करता त्यांनी अधिकाऱ्याला धमकावले.त्यामुळे अधिकाऱ्यांना निर्भयपणे काम करता यावे यासाठी कठोर शिक्षा आवश्यक आहे. परिणाम भोगावे लागतील असे म्हटले.

बच्चू कडू काय म्हणाले?

मुंबई सत्र न्यायालयाने दिलेल्या शिक्षेनंतर बच्चू कडू म्हणाले की, परीक्षा पोर्टलचा घोटाळा झाला होता. विद्यार्थ्यांचे हाल होत होते. सुविधा मिळत नव्हत्या. आयटी संचालकांनी काही प्रतिसाद दिला नाही. त्यामुळे आम्ही जाब विचारण्यासाठी गेलो होतो. त्यावेळी लॅपटाॅप उचलला आणि माझ्या विरोधात तक्रार झाली.