स्थानिक स्वराज संस्था निवडणुकीत नगर परिषद आणि नगरपंचायतीसाठी मतदाना सुरुवात झाली आहे. काही ठिकाणी उमेदवारांकडून मध्यरात्री पैसै वाटल्याचा आरोप केला जात आहे. चंद्रपुरात भाजपचा उमेदवार पैसे वाटत असल्याचा व्हिडिओ व्हायरल झाल्याचे विरोधक संतप्त झाले आहेत. 500 रुपयांच्या नोटा उमेदवार वाटप असल्याचे व्हिडिओत दिसते. व्हिडीओ व्हायरल झाल्याने चंद्रपुरात खळबळ उडाली आहे.
अमोल चिल्लावर असे पैसे वाटप करीत असलेल्या उमेदवारांचे नाव आहे. चंद्रपूरमधील राजुरा नगरपालिकेच्या प्रभाग क्रमांक ४ मधून ते निवडणूक लढवत आहेत. त्यांच्यावर पैसे वाटपाचा आरोप विरोधकांनी केला आहे. चिल्लावर हे त्यांच्या घराच्या जवळच पैशांचे वाटप करीत असल्याचे दिसते. या प्रकारानंतर राजुरामध्ये खळबळ उडाली. त्यांच्या घरामागे असलेल्या गिरणीच्या दुकानात पैसे वाटत असल्याचा आरोप करण्यात येत आहे.
त्यांचे वडील आणि भाजप नेते पांडूरंग चिल्लावार मतदारांना ५०० रूपयांच्या नोटा वाटत असल्याचे दिसते. त्यांच्या हातात पाचशे रूपयांच्या नोटांचे बंडल दिसते. याबाबत तक्रार करण्यात आली आहे. याबाबतचे व्हिडिओ आणि तक्रार निवडणुक अधिकाराऱ्यांकडे करण्यात असल्याचे राजुऱ्याचे तहसीलदार आणि नगर नगरपरिषद निवडणूक प्रमुख ओमप्रकाश गोंड यांनी सांगितले.
पुणे जिल्ह्यातील 12 नगरपरिषद आणि 3 नगरपंचायतींसाठी मतदान होत आहे. जिल्ह्यातील सुमारे 6.3 लाख नोंदणीकृत मतदार आपला मतदानाचा हक्क बजावत आहे, स्थानिक स्वराज्य संस्थांमधील एकूण 6,70% सदस्य आणि 264 अध्यक्षांचे भवितव्य ठरणार आहे.
नाशिक जिल्ह्यातील 11 नगरपरिषदांसाठी आज मतदान प्रक्रिया सुरू झाली आहे. जिल्ह्यातील 416 मतदान केंद्रांवर मतदान प्रक्रिया सुरू झाली. नगराध्यक्ष व सदस्य पदांचे भवितव्य आज ईव्हीएममध्ये बंद होईल. नगराध्यक्षपदासाठी तब्बल 56 उमेदवार निवडणुकीच्या रिंगणात आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.