Fadnavis breaks silence : ठाकरे बंधूच्या भेटीनंतर सीएम फडणवीसांचे मौन भंगले: 'त्या' प्रश्नावर दिले थेट उत्तर, म्हणाले, 'सुबुद्धी...'

Mumbai News : आगामी काळात होत असलेल्या स्थानिक स्वराज्य संस्थेच्या निवडणुकीच्या पार्श्वभूमीवर राज्यातील वातावरण तापले आहे. त्यातच मुंबई महानगरपालिकेच्या निवडणुकीची तयारी सर्वच पक्षाने केली आहे. त्यातच गेल्या काही दिवसापासून राज व उद्धव ठाकरे बंधू एकत्र येणार असल्याच्या चर्चाना उधाण आले होते. त्यातच उद्धव ठाकरे यांची शिवसेना आणि मनसे एकत्र निवडणूक लढण्याची शक्यता आहे.

या पार्श्वभूमीवर राज ठाकरे आणि उद्धव ठाकरे यांच्यातील मनोमिलन महत्त्वाचे मानले जात आहे. त्यातच राज ठाकरे आणि उद्धव ठाकरे हे बंधू गणपतीच्या उत्सवानिमित्त पुन्हा एकत्र आले आहेत. दादर शिवाजी पार्क येथील राज ठाकरे यांच्या निवासस्थानी दोन्ही भाऊ एकत्र आले. या दोन भावांच्या भेटीवर सीएम देवेंद्र फडणवीसांनी मोठे विधान केले आहे.

हिंदी सक्तीच्या विरोधात एकत्र आल्यानंतर दोन्ही बंधूनी गेल्या महिन्यात एकत्रित मेळावा घेतला होता. त्यानंतर राज ठाकरे (Raj Thackeray) हे गेल्या महिन्यात उद्धव ठाकरे यांच्या निवासस्थानी गेले. त्यानंतर बुधवारी गणरायाच्या आगमनानिमित्त उद्धव ठाकरे हेदेखील राज यांच्या घरी गेले आहेत. त्यामुळे ठाकरे बंधू आता मनाने एकत्र आल्याचे संकेत मिळत आहेत. शिवतीर्थवरील या भेटीत राज ठाकरे आणि उद्धव ठाकरे यांच्यात आगामी काळात होत असलेल्या युतीच्याबाबत काही चर्चा झाली असल्याचे समजते.

राज ठाकरे आणि उद्धव ठाकरे (Uddhav thackeray) गणपतीच्या उत्सवानिमित्त पुन्हा एकत्र आले आहेत. त्यातच राज यांनी शिवसेना सोडल्यानंतर २० वर्षांनी उद्धव ठाकरे राज यांच्या निवासस्थानी दाखल झाले आहेत. उद्धव ठाकरे गणपती दर्शनासाठी सहकुटुंब राज ठाकरे यांच्या दादर शिवाजी पार्क येथील शिवतीर्थ येथे दाखल झाले. त्यांनी गणरायाचे सहकुटुंब दर्शन घेतले. त्यासोबतच चर्चा देखील केली.

राज ठाकरे आणि उद्धव ठाकरे यांच्या या भेटीबद्दल मुख्यमंत्री देवेंद्र फडणवीस यांनी मार्मिक भाष्य केले आहे. दोन्ही भावांनी एकत्र राहण्याची सुबुद्धी मिळावी आणि त्यांनी एकत्रच रहावे, असे देवेंद्र फडणवीस यांनी म्हटले आहे. दरम्यान, शिवतीर्थवरील आजच्या भेटीत ठाकरे बंधूमध्ये काय चर्चा होणार का, याकडे राजकीय क्षेत्रातील धुरणींचे लक्ष लागले आहे.