Dhananjay Munde Video : 'धनंजय मुंडे पुन्हा मंत्री होणार, अमित शाहांनी तेव्हाच सांगितले होते...', मोठ्या नेत्याचे संकेत

Dhananjay Munde Politics : संतोष देशमुख हत्या प्रकरणात धनंजय मुंडे यांचे निकटवर्तीय वाल्मिक कराड यांना अटक करण्यात आल्यानंतर मुंडेंच्या राजीनाम्याची मागणी करण्यात आली होती. मुंडे यांच्याबद्दल सरकारवर दबाव वाढत होता त्यानंतर प्रकृतीचे कारण देत मुंडे यांनी राजीनामा दिला होता. मात्र, धनंजय मुंडे पुन्हा मंत्रिमंडळात दिसतील त्यांना मंत्रिपद मिळेल, अशी माहिती एका विश्वसनीय नेत्याने 'साम टिव्ही'शी बोलताना दिली.

धनंजय मुंडे दोषी नसतील तर त्यांचा राजीनामा घेऊ नका, असे त्यावेळी गृहमंत्री अमित शाह यांनी सांगितले. मुंडेंच्या राजीनाम्यासाठी केंद्रातून कोणत्याही नेत्याचा दबाव नव्हता. मात्र, जनभावना लक्षात घेऊन त्यांनी राजीनामा घेतल्याचे त्या नेत्याने सांगितले. त्यामुळे मुंडे पुन्हा मंत्रिमंडळात दिसणार अशी चर्चा सुरू झाली आहे.

धनंजय मुंडे यांनी चार मार्चला राजीनामा दिला होता. आता त्यांच्या राजीनाम्याला सहा महिन्यांपेक्षा अधिक कालावधी झाला आहे. त्यातच मंत्रिमंडळात काही मंत्र्यांच्या खात्यांचा फेरबदल होणार तसेच काही नव्या चेहऱ्यांना संधी मिळणार असल्याची चर्चा आहे. त्यामुळे मुंडेंना पुन्हा संधी मिळणा का याची चर्चा सुरू झाली आहे.

माणिकराव कोकाटे यांनी केलेले वादग्रस्त वक्तव्य आणि पत्ते खेळण्याच्या प्रकरणावरून त्यांचा राजीनाम घेतला जाईल, अशी शक्यता होती. मात्र, माणिकराव कोकाटे यांचे कृषीखाते दत्तात्रय भरणे यांना देत भरणे यांच्याकडील क्रिडा खाते कोकाटेंना देत केवळ खाते बदल करण्यात आली. त्यावेळी देखील मुंडे हे मुख्यमंत्री देवेंद्र फडणवीस यांना भेटले होते. त्यामुळे ते पुन्हा मंत्रिमंडळात येण्यासाठी प्रयत्न करत असल्याच्या चर्चा होत्या.

धनंजय मुंडे सक्रीय

धनंजय मुंडे राष्ट्रीवादी काँग्रेसच्या कार्यक्रमात सांगितले की, आपण २०० दिवस शांत होतो. माझ्या आडून बीडची बदनामी केली जात होती. मात्र, आपण आता शांत बसणार नाही. शेरो शायरी करत मुंडेंनी तेव्हा आपण पुन्हा सक्रीय झाल्याचे संकेत दिले होते. त्यामुळे

वादग्रस्त मंत्र्यांना नारळ?

एकनाथ शिंदे यांच्या मंत्रिमंडळातील काही मंत्र्यांविषयी नाराजी आहे. मंत्रिपदानंतर देखील ते खात्याला न्याय देऊ शकत नसल्याची चर्चा आहेत. तर, काही मंत्री वादग्रस्त वक्तव्य करत असल्याचे देखील समोर आले आहे. त्यामुळे वादग्रस्त मंत्र्यांना मंत्रिमंडळातून नारळ देत नवीन चेहऱ्यांना संधी मिळू शकते अशी शक्यता राजकीय वर्तुळात वर्तवली जात आहे.