Dhananjay Munde News: धनंजय मुंडे यांचे मंत्रिपद जाऊन पाच महिन्यांचा कालावधी लोटला. मात्र, त्यांनी मंत्री म्हणून मिळालेला 'सातपुडा' बंगला सोडलेला नाही. मंत्रिपद सोडताच सरकारी बंगला सोडणे आवश्यक होते. मात्र, मुंबईत आपले घर नाही, असे स्पष्टीकरण मुंडे यांनी दिले होते. मात्र, 'साम टिव्ही'ने दिलेल्या वृत्तानुसार गिरगाव चौपाटीजवळ वीरभवन येथील 22 मजली इमारतीमध्ये तब्बल 16 कोटींचा प्लॅट धनंजय मुंडे यांच्या नावावर आहे.
धनंजय मुंडे यांनी विधानसभा निवडणुकीच्या वेळी जे प्रतिज्ञापत्र दिले होते त्यामध्ये देखील या प्लॅटचा उल्लेख आहे. दरम्यान, राजीनाम्यानंतरही सरकारी बंगला सोडला नाही तर दंड आकरला जातो. मिळालेल्या माहितीनुसार, नियमानुसार तब्बल 42 लाखांवर दंडाची रक्कम गेली आहे. मात्र, या रकमेसंदर्भात देखील मुंडे यांना नोटीस पाठवली नसल्याची माहिती आहे.
धनंजय मुंडे यांचा मुंबईतील गिरगाव चौपाटीमधील प्लॅट हा अलिशान आहे. मुंडे यांनी त्यांच्या पत्नी आणि स्वतःच्या नावे या प्लॅटची खरेदी 2023 मध्ये केली होती. दोन हजार एकशे ५१ चौ.फुटांचे असून त्यामध्ये चार बेडरुम असल्याची माहिती आहे. दरम्यान, मुंडेचा मुंबईत प्लॅट असल्याची माहिती समोर आली असता मुंडे यांची अजून यावर प्रतिक्रया आलेली नाही.
धनंजय मुंडे यांनी बंगला सोडला नसल्याने छगन भुजबळ हे अजुनही सरकारी बंगल्याच्या प्रतिक्षेत आहेत. मुंडेंच्या राजीनाम्यानंतर भुजबळ यांना मंत्रि‍पदी संधी मिळाली होती. त्यांना बंगला न मिळाल्याबाबत विचारले असता त्यांनी म्हटले होते की मी काय बोलणार ते माझेच सहकारी आहेत. मुख्यमंत्री निर्णय घेतील.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.