Harshawardhan Jadhav Arrested : मोठी बातमी! माजी आमदार हर्षवर्धन जाधव यांना अटक, कोर्टाने दिले आदेश

Harshvardhan Jadhav News : माजी केंद्रीय मंत्री रावसाहेब दानवे यांचे जावई, माजी आमदार हर्षवर्धन जाधव यांना नागपूर पोलिसांनी अटक केली आहे. सरकारी कामात अडथळा आणल्या प्रकरणी ही कारवाई करण्यात आली आहे. विशेष म्हणजे सरकारी कामात अडथळा आणण्याचे प्रकरण हे 2014 मध्ये घडले होते.

2014 मध्ये हर्षवर्धन जाधव यांच्या विरोधात नागपूरमधील सोनगाव पोलिस ठाण्यात सरकारी कामात अडथळा आणल्या प्रकरणी गुन्हा दाखल करण्यात आला होता. त्यानंतर हे प्रकण न्यायालयात गेले असता हर्षवर्धन जाधव हे न्यायालयासमोर हजर झाले नाही. त्यांना वारंवार वाॅरंट बजावण्यात आले होते मात्र ते एकदाही न्यायालयासमोर हजर झाले नाहीत.

हर्षवर्धन जाधव हे न्यायालयसमोर हजर होत नसल्याने त्यांच्या विरोधात अजामीनपात्र वाॅरंट बजावण्यात आले. त्यामुळे ते आज नागपूरच्या न्यायालयात हजर झाले होते. तेव्हा न्यायालयाने पोलिसांना त्यांना अटक करण्याचे निर्देश दिले. पोलिसांनी जाधव यांना अटक करून वैद्यकीय तपासणीसाठी शासकीय रुग्णालयात आणले होते.

व्हिलचेअरवरू बसून रुग्णालयात

हर्षवर्धन जाधव यांना व्हिलचेअरवर बसवून शासकीय रुग्णालयात तपासणीसाठी आणले होते. जाधव यांनी त्यांच्या छातीत दुखत असल्याचे सांगितले. त्यामुळे त्यांची तपासणी सुरू असून त्यांच्या तपासणीनंतर त्यांना रुग्णालयात दाखल करायचे की त्यांची रवानगी तुरुंगात करायची यावर निर्णय होणार आहे.