गडचिरोलीला स्टील सिटी करण्याचा संकल्प फडणवीस यांनी स्टील प्रकल्प, शाळा, कॉलेज, अभियांत्रिकी महाविद्यालय आणि इस्पितळ उभारण्याचा निर्णय घेतला आहे.
खाणींच्या उत्खननातील वाद – झेंडेपार लोहखाणीचे कंत्राटदार अटी-शर्तींचा भंग करत असल्याची तक्रार भाजप आमदार परिणय फुके यांनी मुख्यमंत्र्यांकडे केली आहे.
गुंतवणुकीवर परिणामाची शक्यता – फुके यांच्या तक्रारीमुळे गुंतवणूक आणि विकास प्रक्रियेला अडथळा निर्माण होऊ शकतो.
Nagpur News: गडचिरोली जिल्ह्याला स्टील सिटी करण्याचा संकल्प मुख्यमंत्री देवेंद्र फडणवीस यांनी केला आहे. येथे कोट्यवधी रुपयांच्या प्रकल्पाचे भूमिपूजन त्यांनी केले आहे. येथील झेंडेपार येथील लोह खाणीतील उत्खननाची प्रक्रिया सुरू असतानाच भाजपचे आमदार परिणय फुके यांनी कंत्राटदारांनी अटी व शर्तीचा भंग केल्याची तक्रार करून लिलाव प्रक्रिया नव्याने करण्यासाठी मुख्यमंत्र्यांना पत्र दिले आहे.
फुके यांनी आपला गडचिरोलीशी काही संबंध नाही, असे स्पष्ट केले असले तरी त्यांनी पत्राबाबत मौन पाळले आहे. हे बघता भाजपचा आमदारच गडचिरोलीच्या दुर्गम भागातील गुंतवणूक आणि विकासला खीळ घालत असल्याचे बोलले जात आहे.
गडचिरोलीच्या खानीतील स्टीलवर येथे प्रक्रिया करून जिल्ह्याला विकसित करण्याचा निर्णय घेण्यात आला आहे. मोठे मोठे उद्योजक आता येथे गुंतवणूक करू लागले आहे. सर्वात मोठी अडचण असलेल्या नक्षल्यांवरही नियंत्रण सरकारने आणले आहेत. दक्षिण गडचिरोलीत सूरजागढ खाणीतून उत्खननसुद्धा सुरू झाले आहे. दुसरीकडे अति दुर्गम आणि नक्षलवाद्यांच्या प्रभाव असलेल्या कोरची तालुक्यातील झेंडेपार लोहखणीची निविदा प्रक्रिया आटोपली आहे.
पर्यावरण विभागात याची सुनावणी सुरू आहे. जैन, अजित सरिया आणि राजूरकर यांना ४६ हेक्टर खाणीचे कंत्राट देण्यात आले आहे. खाण सुरू करण्याची परवानगीसुद्धा या कंपनीला देण्यात आली असताना आमदार परिणय फुके यांनी कंत्राटदारांनी अटी व शर्तीचा भंग केला असल्याची लेखी तक्रार मुख्यमंत्र्यांकडे केली आहे.
त्यावरून खनिकर्म मंत्र्यांकडे विशेष सुनावणी ठेवण्यात आली आहे. फुके यांच्यामुळे दुर्गम कोरची तालुक्यातील गुंतवणूक व विकासाला खीळ बसण्याची शक्यता वर्तविली जात आहे. आता मुख्यमंत्री देवेंद्र फडणवीस यावर काय अंतिम निर्णय घेतात यावर सारे काही अवलंबून आहे.
Q1. गडचिरोलीला स्टील सिटी करण्याची योजना कोणी जाहीर केली?
➡️ मुख्यमंत्री देवेंद्र फडणवीस यांनी गडचिरोलीला स्टील सिटी करण्याचा संकल्प केला.
Q2. झेंडेपार खाणीसंबंधी तक्रार कोणी केली?
➡️ भाजप आमदार परिणय फुके यांनी कंत्राटदारांविरोधात तक्रार केली.
Q3. गडचिरोलीतील विकास योजनांमध्ये कोणते प्रकल्प आहेत?
➡️ स्टील प्रकल्प, शाळा, कॉलेज, अभियांत्रिकी महाविद्यालय आणि आधुनिक इस्पितळ.
Q4. फुके यांच्या तक्रारीचा संभाव्य परिणाम काय होऊ शकतो?
➡️ कोरची तालुक्यातील गुंतवणूक आणि विकासाला विलंब किंवा अडथळा येऊ शकतो.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.