Mumbai News : राज्यातील 32 जिल्हा परिषद आणि 336 पंचायत समितीची मतदारसंघ निश्चित झाल्यानंतर मतदारसंघावर आरक्षण कधी पडणार याकडे सर्व इच्छुकांचे लक्ष लागून राहिले होते. आता राज्य निवडणूक आयोगानेच (State Election Commission) अंतिम आरक्षणाची तारीख निश्चित केली आहे. नोव्हेंबर पर्यंत अंतिम आरक्षण प्रसिद्धी करावे असे पत्रच राज्यातील 32 जिल्हा परिषदेंना देण्यात आले आहे. त्यामुळे निवडणूक प्रक्रियेला आणखीन गती येणार आहे.
राज्य निवडणूक आयोगाकडून 3 नोव्हेंबरपर्यंत अंतिम आरक्षण प्रसिद्ध करण्याच्या सूचना जिल्हा परिषदांना देण्यात आल्या आहेत. राज्यातील 32 जिल्हा परिषद व 336 पंचायत समितीचा आरक्षण कार्यक्रम जाहीर करण्यासंदर्भातील पत्र राज्य निवडणूक आयोगाचे सचिव सुरेश काकानी यांनी प्रकाशित केले आहे.
राज्य निवडणूक आयोगाकडून जिल्हा परिषदेला (ZP) सूचना देण्यात आल्या असून अनुसूचित जाती व अनुसूचित जमाती करता जागा निश्चित करण्यासाठी 6 ऑक्टोंबरपर्यंत प्रस्ताव तयार करून विभागीय आयुक्त यांच्याकडे सादर करावा.
तसेच अनुसूचित जाती व अनुसूचित जमाती करता राखीव जागांच्या प्रस्तावाला मंजुरी देण्यासाठी 10 ऑक्टोंबर पर्यंत मान्यता देणे. तर 10 ऑक्टोंबर रोजी आरक्षण सोडवितेची सूचना वृत्तपत्रांमध्ये प्रसिद्ध करण्यात यावी. अशा सूचना राज्य निवडणूक आयोगाकडून देण्यात आले आहेत.
14 ऑक्टोंबर पर्यंत प्रारूप आरक्षणाचे अधिसूचना प्रसिद्ध करावी. तर जिल्हाधिकारी यांच्याकडे जिल्हा परिषद व पंचायत समित्या मधील प्रारूप आरक्षणावर हरकती व सूचना 14 ऑक्टोंबर ते 17 ऑक्टोबर पर्यंत देण्यात याव्यात. 27 ऑक्टोबर पर्यंत या हरकतींवर अभिप्राय सह घोषवारा विभागीय आयुक्तांना सादर करावा. तर 31 ऑक्टोंबर पर्यंत प्रारूप आरक्षणावर प्राप्त हरकती व सूचनांचा विचार करून आरक्षण अंतिम करावे. तर तीन नोव्हेंबरपर्यंत अंतिम आरक्षण प्रसिद्ध करण्याची मुदत राज्य निवडणूक आयोगाने दिले आहे.
गेल्या चार वर्षांपासून रखडलेल्या राज्यातील स्थानिक स्वराज्य संस्थांच्या निवडणुकांचा कार्यक्रम तीन टप्प्यांत जाहीर होण्याची शक्यता आहे. सर्वोच्च न्यायालयाने 31 जानेवारी 2026 पर्यंत स्थानिक स्वराज्य संस्थांच्या निवडणुका घेण्याचे आदेश दिले आहेत. त्यानुसार प्रशासनाकडून निवडणुकीची तयारी सुरू करण्यात आली असून सध्या मतदारसंख्या आणि त्यासाठी लागणारे मशीनची जुळवाजुळव सुरू केली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.