आगामी स्थानिक निवडणुकांच्या पार्श्वभूमीवर माणगाव खोऱ्यातील आठ गावांचे शिवसेना कार्यकर्ते शिंदे गटात दाखल झाले.
हा प्रवेश आमदार निलेश राणे यांच्या नेतृत्वाखाली पार पडला.
यामुळे तळकोकणात उद्धव ठाकरे यांच्या गटाला मोठा धक्का बसला असून शिंदे गट अधिक बळकट झाला आहे.
Sindhudurg News : आगामी स्थानिकच्या तोंडावर तळकोकणात उद्धव ठाकरे यांच्या शिवसेनेला पुन्हा एकदा गळती लागली आहे. एक नाही तर तब्बल आठ गावातील पदाधिकाऱ्यांसह कार्यकर्त्यांनी एकनाथ शिंदे यांच्या शिवसेनेत आमदार नीलेश राणे यांच्या नेतृत्वात प्रवेश केला आहे. यामुळे तळकोकणात पुन्हा एकदा शिंदेंच्या शिवसेनेकडून ऑपरेशन टायगर सुरू झाल्याची चर्चा सुरू झाली आहे.
माणगाव खोऱ्यातील उपवडे, वसोली, दुकानवाड, मोरे, वाडोस, कांदोळी, महादेवाचे केरवडे, निळेली आदी आठ गावातील शेकडो पदाधिकारी आणि कार्यकर्त्यांनी आमदार राणेंच्या उपस्थितीत शिवसेनेत प्रवेश केला. यावेळी जिल्हाप्रमुख दत्ता सामंत, उपनेते संजय आंग्रे, संदीप कुडतरकर, संजय पडते, बाळू कुबल, प्राजक्ता शिरवलकर, सौ. खोचरे, मथुरा राऊळ, दीपक पाटकर, दिनेश साळगावकर, दीपक नारकर, विनायक राणे, दत्ता कोरगावकर, सचिन धुरी आदी उपस्थित होते.
माणगाव येथील त्रिमूर्ती मंगल कार्यालयात नुकताच माणगाव खोऱ्यातील ठाकरे यांच्या उबाठा पक्षातील पदाधिकाऱ्यांसह कार्यकर्त्यांनी शिवसेनेत प्रवेश केला. यावेळी आमदार नीलेश राणे यांनी आमदार कसा असावा, याचा प्रत्यय प्रत्येक विकासकामातून देणार आहे. माणगाव खोऱ्यात रोजगारासाठी विविध प्रकल्प राबविण्यात येतील, अशी ग्वाही दिली.
आमदार राणे म्हणाले, ‘लोकसभा व विधानसभा निवडणुकीनंतर सर्वांत जास्त प्रक्ष प्रवेश माणगाव खोऱ्यात होत आहेत. याचे सर्व श्रेय जिल्हाप्रमुख सामंत यांना जाते. गेल्या दहा वर्षांत माणगाव खोरे कामांबाबत पिछाडीवर आहे. मात्र आता विकासकामातून येथील ग्रामस्थांना न्याय देणार आहे. माणगाव खोऱ्यातील 70 लाखांची विकासकामे ‘डीपीडीसी’च्या माध्यमातून झाली आहेत. प्रस्तावित कामे आगामी अधिवेशनात अग्रक्रमाने मांडून त्यासाठी निधीची तरतूद करणार आहे.
येथील लोकांना रोजगाराच्या दृष्टीने विविध प्रकल्प, योजना राबविणार आहे. आंजिवडे व घोडगे-सोनवडे घाटरस्त्यांचा प्रारंभ लवकरच करण्यात येईल.’ ठाकरे गटाचे विभागप्रमुख रामचंद्र धुरी यांनी, गेली पंधरा वर्षे येथील विकासकामे रखडल्याने शिवसेनेत प्रवेश करत आहोत, असे जाहीर केले. तसेच यानंतरच्या काळात आपण शिवसेनेशी एकनिष्ठ राहणार असल्याचे त्यांनी सांगितले. त्यांच्यासह माजी उपसरपंच यशवंत धुरी, शाखाप्रमुख कैतन फेराव, माजी उपसरपंच अंकुश धुरी, युवा सेनाप्रमुख विशाल धुरी आदींनी शिवसेनेत प्रवेश केला.
प्र.१: माणगाव खोऱ्यातील किती गावांचे कार्यकर्ते शिंदे गटात दाखल झाले?
उ: आठ गावांचे कार्यकर्ते शिंदे गटात दाखल झाले.
प्र.२: या प्रवेशाचे नेतृत्व कोणी केले?
उ: आमदार निलेश राणे यांच्या नेतृत्वाखाली हा प्रवेश झाला.
प्र.३: कोणत्या पक्षाला धक्का बसला?
उ: उद्धव ठाकरे यांच्या शिवसेनेला मोठा धक्का बसला.
प्र.४: हा प्रवेश कोणत्या निवडणुकीच्या पार्श्वभूमीवर झाला?
उ: स्थानिक निवडणुकांच्या तोंडावर हा प्रवेश झाला.
प्र.५: या प्रवेशामुळे कोणता गट बळकट झाला?
उ: एकनाथ शिंदे यांचा शिवसेना गट अधिक बळकट झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.