Eknath Shinde | कोकणी माणूस धनुष्यबाणासोबत : ठाकरेंची सभा म्हणजे आपटीबार ; शिंदेचा हल्लाबोल!

Kokan News : मुख्यमंत्री एकनाथ शिंदे यांची आज (दि.19 मार्च) खेडमध्ये जाहीर सभा होत आहे . याआधी उद्धव ठाकरे यांची याच ठिकाणी सभा झाली होती. तेव्हा ठाकरेंनी शिंदे गटावर जोरदार टीका केली होती.आता एकनाथ शिंदे (Ekanath Shinde) यांचीही त्याच ठिकाणी आणि त्याच मैदानावर जाहीर सभा होत आहे. आता मुख्यमंत्री एकनाथ शिंदे यांनी याच सभेतून ठाकरे गटाचे प्रमुख उद्धव ठाकरेंवर (Uddhav Thackeray) जोरदार हल्लाबोल केला.

यावेळी एकनाथ शिंदे म्हणाले,"याच मैदाना त बाळासाहेबांची सभा येथे झाली. पण मागे झालेली सभा ती,आपटीबार सभा झाली. त्यांना उत्तर द्यायला आम्ही आलो नाही. तोच तोच थयथयाट होता सभेत, याला काय उत्तर देणार ?मुंबईत पण तोच खेळ सुरू आहे. काही बैठका सुरू आहेत. तेच टोमणे, तेच दोन तीन शब्द," अशा शब्दात शिंदेंनी उद्धव ठाकरेंवर जोरदार निशाणा साधला.

"आजच्या सभेला जमलेला हा जनसागर आहे. काही लोकांना वाटत असेल की, कोकणच्या सभेत एवढी गर्दी कशी काय़? त्यांना सांगायचं आहे की, हे बाळासाहेबाचं प्रेम आहे. कोकण आणि कोकणचा माणूस बाळासाहेबांच्या पाठीमागे ठामपणे उभा होता. कोकणी माणूस हा आजही बाळासाहेबांच्या विचारांसोबत, शिवसेनेसोबत, धनुष्यबाणासोबत आहेत. या क्रांतीमध्ये किती आमदार, किती खासदार, शिलेदार अशी किती संख्या पाहिली, हे नेहमी एकनाथ शिंदे सोबत राहिले," असे शिंदे म्हणाले.

ठआमदार योगशने सांगितलं हा उठाव जर झालाच नसता, तर काय परिस्थिती झाली असती. याचा विचार करण्याची आज गरज आहे. कोकणी माणूस हा फणसासाऱखा काटेरी आहे. पण तो आंब्यासारखा गोड असतो. कोकणी माणूस हा प्रेमळ आहे. शब्दाला जागणारा आहे. कोकणासोबत माझं जिव्ह्याळ्याचं नातं आहे," असे शिंदे म्हणाले.

शिंदे पुढे म्हणाले, "केवळ सत्ता मिळवण्यासाठी, मुख्यमंत्री पदासाठी धनुष्यबाण गहाण काँग्रेस, राष्ट्रवादी काँग्रेसकडे गहाण ठेवलं. मात्र आम्ही शिवसेना वाचवण्याचं काम आम्ही केलं. निवडणूक आयोगानेही तो निर्णय झाला. विचारांशी बेईमीनी केली तुम्ही मुख्यमंत्री पदासाठी. मात्र शिवसेना आम्ही वाचवली. "

"बाळासाहेब ठाकरेंचं आशिर्वाद आपल्यासोबत आहे. अनेक नेत्यांनी ही शिवसेना वाढवली. पण तुम्ही सत्तेसाठी भूमिका बदलली. म्हणून आम्हाला उठाव करायला लागला. आपण वबाळासाहेबांचे विचारांचे वारस आपण आहोत," असे ही शिंदे म्हणाले.

"राहुल गांधी सावरकरांचा अपमान करतात, यावर तुम्ही कधीच काहीच बोलत नाही, हे कसलं हिंदुत्व आहे? सावरकरांचा अपमान आम्ही सहन करू शकत नाही. बाळासाहेब तुमचे वडील होते, हा इतिहास झाला, पण बाळासाहेब आमचे दैवत आहेत. ते तुम्हाला माफ करणार नाहीत," असा सवालाही शिंदेनी ठाकरेंना विचारला.