Konkan Political News: 'कितीही आमिषे आली तरी उद्धव ठाकरेंची साथ सोडणार नाही...'

Kudal News : आज मी जो काही आहे, तो केवळ शिवसेना पक्षाने संधी दिल्यामुळे आणि जनतेच्या आशीर्वादामुळेच. ही जाणीव मी कधीही विसरणार नाही. त्यामुळे कितीही आमिषे आली तरीही मी शेवटपर्यंत उद्धव ठाकरेंची साथ सोडणार नाही, असे आमदार वैभव नाईक यांनी सांगितले. (I won't leave Uddhav Thackeray no matter how many lures: Vaibhav Naik)

गावभेट दौऱ्यादरम्यान आमदार वैभव नाईक हे कुडाळ मालवण मतदारसंघातील पिंगुळी-शेटकरवाडी येथे बोलत होते. यावेळी त्यांनी पिंगुळी गावातील ग्रामस्थांशी संवाद साधला. विकास कामांचा आढावा घेतला. संघटना वाढीबाबत मार्गदर्शन केले. ते म्हणाले की, कोणतीही अपेक्षा न बाळगता कुडाळ-मालवण मतदारसंघातील जनतेने माझ्यावर विश्वास ठेवून मला दोनवेळा विधानसभेत निवडून दिले आहे. जनतेच्या या विश्वासाला तडा जाऊ न देणे, माझे कर्तव्य आहे.

आज मी जो काही आहे, तो केवळ शिवसेना पक्षाने संधी दिल्यामुळे आणि जनतेच्या आशीर्वादामुळेच. ही जाणीव मी कधीही विसरणार नाही. मतदारसंघाच्या विकासासाठी सर्वोतपरी प्रयत्न करणार आहे, असेही नाईक म्हणले.

आमदार नाईक यांच्या माध्यमातून कुडाळ-मालवण मतदारसंघाचा सर्वांगीण विकास सुरू आहे. कित्येक वर्षे प्रलंबित असलेली कामे आमदार नाईक यांनी मार्गी लावली आहेत. कुडाळ येथील महिला बाल रुग्णालय हे आमदार नाईक यांचे आदर्शवत काम आहे. इतर आमदारांनी गद्दारी केली असली तरी ते निष्ठावंत राहिले. त्यांच्यावर एसीबीची चौकशी लावण्यात आली. मात्र, तरीही ते पक्षाशी एकनिष्ठ राहिले आहेत, असेही स्थानिक पदाधिकारी पडते यांनी स्पष्ट केले.

या प्रसंगी युवासेना जिल्हाप्रमुख मंदार शिरसाट, ओबीसी सेल जिल्हाप्रमुख रुपेश पावसकर, उपतालुका प्रमुख मिलींद परब, राजू गवंडे, युवासेना जिल्हा समन्वयक सुशील चिंदरकर, उपतालुकाप्रमुख स्वप्नील शिंदे, शहरप्रमुख संदीप म्हाडेश्वर, पिंगुळी विभागप्रमुख गंगाराम सडवेलकर, माजी सरपंच निर्मला पालकर आदी उपस्थित होते.