Sindhudurg sting operation news : मालवणमध्ये भाजप पदाधिकाऱ्याच्या घरी शिवसेना आमदार नीलेश राणे यांनी रोख रक्कम पकडून दिल्यानंतर 2 तारखेपर्यंत युती टिकवायची आहे, असे म्हणणारे भाजपचे प्रदेशाध्यक्ष रवींद्र चव्हाण वारंवार 2 तारखेला सांगेल, असं म्हणताना दिसत आहे.
परंतु दुसरीकडे एकनाथ शिंदे यांच्या शिवसेना पक्षाचे आमदार नीलेश राणे यांनी, 'हे शेवटचं स्टिंग ऑपरेशन नव्हतं, असं सांगून अशी ऑपरेशन जिल्हाभर सुरू आहेत. यासाठी थेट मी निवडणूक अधिकाऱ्यांच्या संपर्कात आहे,' असा इशारा देऊन भाजपसमोर पुन्हा आव्हान उभं केलं.
मालवण नगरपालिका निवडणुकीत भाजप (BJP) पदाधिकाऱ्याच्या घरातून थेट आमदार नीलेश राणेंनी रक्कम पकडून दिल्याने राज्यात चर्चेत आली आहे. यामुळे भाजपविरुद्ध एकनाथ शिंदे यांची शिवसेना असे राज्यात वातावरण निर्माण झाले आहे. भाजपचे प्रदेशाध्यक्ष रवींद्र चव्हाण या घटनेवर थेट भाष्य करण्याऐवजी दोन तारखेला बोलले असे वारंवार म्हणत आहेत. तर नीलेश राणे अ‍ॅक्शन मोडवर येत, सिंधुदुर्ग जिल्ह्यात जिथं निवडणुका आहेत, तो भाग पिंजून काढण्यावर भर दिला आहे.
शिवसेना आमदार नीलेश राणे (Nilesh Rane) म्हणाले, "मी जे ऑपरेशन केले आहे, ते तुम्ही कव्हर केलं आहे. हे ऑपरेशन सुरूच राहणार असून, ते दाखवत राहा. ही सिस्टिम कुठतरी थांबली पाहिजे, यासाठी हे दाखवत राहा. ही ऑपरेशन जिल्हाभर सुरू आहेत. सर्व निवडणूक अधिकाऱ्यांच्या संपर्कात आहे, बोललो आहे. पोलिस अधीक्षकांशी देखील बोललो आहे. हे लवकरात लवकर थांबवा, हे शेवटचं स्टिंग ऑपरेशन नव्हतं!"
नीलेश राणे यांनी, 'मी सध्या सर्वत्र दौरा करत आहे. ठिकठिकाणी गाठीभेटी घेत आहे. पैसे वाटपाबाबत आम्ही आरोप करून पुरावे दिलेले आहेत. भाजपच्या उमेदवाराने बोगस ओबीसी सर्टिफिकेट दिले. आम्ही सर्व पुराव्यासकट करत आहोत. जर पैसे वाटून कोण निवडून आले, तर उद्या ते नगरपालिका लुटतील. नगरपालिका दिवाळखोरीमध्ये जाईल. ते होऊ नये, असा आमचा प्रयत्न आहे,' असे सांगितले.
'रवींद्र चव्हाण कसे आहेत हे मला माहिती. मी त्यांच्यासोबत पाच वर्षे काम केले आहे. त्यांनी ठरवले का जिल्ह्यामध्ये युती व्हायला हवी, तर ती कोणत्याही परिस्थितीमध्ये होणार. पगारावर असलेल्या स्थानिक युती करा म्हणून काय सांगणार? तिकडे चक्र कसं चालतं हे तुम्हाला माहित आहे. मीटरवर असणारे लोकं वरती बोलू शकत नाही, युती नको म्हणून. रवींद्र चव्हाण यांनी सिंधुदुर्ग जिल्ह्यामध्ये युती हवी हे सांगितलं असतं, राणेसाहेब बोलले आहेत म्हणून सांगितलं असतं, तर युतीसाठी ते नाही बोलले नसते. त्यांचं भाजपमध्ये वजन मोठं आहे. त्यांनी सांगितल्यावर कुणाची हिंमत आहे, नाही म्हणायची? मी जे बोललो त्यावरती अजूनही ठाम आहे. जे झाले ते रवींद्र चव्हाण यांच्यामुळेच,' असा दावा नीलेश राणेंनी केला.
'रत्नागिरीमध्ये त्यांनी सांगितले आणि युती झाली. रत्नागिरीमध्ये भाजपला कमी सीट्स मिळाले. रत्नागिरीमध्ये दिलं ते घेतले. इकडे तर आम्ही फिफ्टी-फिफ्टी द्यायला तयार होतो. आता इकडे एकमेकांवर ढकलत आहेत. रवींद्र चव्हाण दोन तारखेपर्यंत युती टिकवायची आहे, असं बोलले यावरून तुम्हाला अंदाज आला असेल युती कोणाला नको आहे,' असा टोला नीलेश राणेंनी लगावला.
'निवडणूक संपल्यानंतर रवींद्र चव्हाण यांची भेट घेणार आहेत. तसंच देवेंद्र फडणवीस यांची देखील भेट घेणार आहे. काय आणि का घडलं ते त्यांच्यासमोर ठेवणार आहे. आजही आमचे नेते पुढेही राहणार, हे कुटुंब टिकाव, असं आम्हाला देखील वाटतं. काही गैरसमज असतील, तर निवडणुकीनंतर वेळ घेणार. रवींद्र चव्हाण यांचा आदर करतो. देवेंद्र फडणवीस यांच्या बद्दल देखील प्रचंड आदर,' असेही नीलेश राणे यांनी म्हटले.
मंत्री नीतेश राणे यांनी निधीवर केलेल्या विधानावर, 'नीलेश राणे यांनी, मी देखील आमदार आहे, नगरविकास खाते एकनाथ शिंदे साहेबांकडे आहे. निधी पाठवायचा सोर्स आमच्याकडे देखील आहे. एकदा पैसे आले का नगराध्यक्षांनी फक्त सही मारायची असते. कुणाकडे जायचं नसतं. आमचा अधिकार कोणीच काढून घेऊ शकत नाही, तो अधिकार लोकशाहीने आम्हाला दिला आहे,' असेही नीलेश राणे यांनी म्हटलं.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.