Accident News : रायगड आणि कणकवली अपघातामुळे गुरुवारचा दिवस हा अपघाताचा दिवस ठरला आहे. दोन भीषण अपघाताच्या बातमीने गुरुवारीची सकाळ उगवली.
रायगड (raigad) आणि कणकवलीमध्ये (kankavli)आज पहाटेच भीषण अपघात झाले आहेत. मुंबई-गोवा महामार्गावर झालेल्या दोन भीषण अपघातात वाहनांचा चुराडा झाला आहे.
आज पहाटेच दोन्ही अपघात हे मुंबई-गोवा महामार्गावर झाले. त्यामुळे महामार्गाच्या रखडलेल्या कामाचा मुद्दा पुन्हा ऐरणीवर आला आहे. रायगडमधील अपघातात 9 जणांचा मृत्यू झाला आहे. तर, कणकवली येथे झालेल्या अपघातात 4 जणांचा मृत्यू झाला आहे.
रेपोली गावाजवळ (रायगड) कार आणि ट्रकचा आज पहाटे पाच वाजण्याच्या सुमारास समोरासमोर भीषण धडक झाली. या अपघातात 9 जणांचा मृत्यू झाला. यात 4 महिला असल्याची माहिती आहे. अपघातात पाच महिन्यांचे बाळ बचावल्याचे पोलसांनी सांगितले.
अपघातात एक चार वर्षाचा मुलगाही जखमी झाला आहे. जखमी मुलाला जवळच्या रुग्णालयात उपचारासाठी दाखल करण्यात आले आहे. ही धडक एवढी भीषण होती की यात कारचा अक्षरश: चुराडा झाला आहे.
कणकवली येथे एक खासगी बस उलटून 4 जणांचा मृत्यू झाला आहे. मुंबई-गोवा महामार्गावर कणकवली येथे वागदे पुलानजीक पहाटेच हा देखील अपघात झाला. या अपघातात 23 जण जखमी झाले आहेत.त्यांच्यावर एका खासगी रुग्णालयात उपचार सुरु आहेत.
ही बस मुंबईहून गोव्याला जात होती. कणकवलीत गडनदी पुलावर धोकादायक वळणावर चालकाचा बसवरील ताबा सुटला आणि हा अपघात झाला. या बसमध्ये 36 प्रवासी होते. यातील 4 जण ठार झाले आहेत. तर, 23 जण जखमी झाले आहेत. जखमींना शासकीय रुग्णालयात दाखल करण्यात आले असून त्यांच्यावर उपचार सुरू आहेत.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.