Raj Thackeray On Landslide : इर्शाळवाडी दुर्घटनेवर राज ठाकरे भडकले, म्हणाले, ''....हे कसलं प्रशासन ?

Raigad : रायगडमधील इर्शाळवाडीत बचावकार्यात सगळी प्रशासकीय यंत्रणा कामाला लागली असतानाच मनसे अध्यक्ष राज ठाकरे यांनी मात्र, प्रशासनाच्या कारभाराचे वाभाडे काढले. '' जर कुठे दरड कोसळू शकतात ह्याचा अंदाज जर त्या जिल्हा प्रशासनाला येत नसेल तर मग ते कसलं प्रशासन?'' असा सवाल करत ठाकरेंनी प्रशासनाला धारेवर धरले.

इर्शाळवाडी(Irshalwadi)तील दरड कोसळण्याच्या दुर्घटनेवर राज यांनी ट्विट करत प्रतिक्रिया दिली आहे. त्यांनी रायगड जिल्ह्यातील, खालापूर तालुक्यातील इर्शाळवाडी येथे गावावर दरड कोसळल्याची घटना अतिशय दुःखद आहे. युद्धपातळीवर बचावकार्य सुरु आहे असं सांगण्यात येत आहे. ह्यातून लोकं सुखरूप बाहेर पडावीत इतकी इच्छा व्यक्त केली आहे.

राज ठाकरे(Raj Thackeray) यांनी इर्शाळवाडीतील दरड कोसळण्याच्या दुर्घटनेवर ट्विट करत प्रतिक्रिया दिली आहे. यावेळी त्यांनी रायगड जिल्ह्यातील, खालापूर तालुक्यातील इर्शाळवाडी येथे गावावर दरड कोसळल्याची घटना अतिशय दुःखद आहे. युद्धपातळीवर बचावकार्य सुरु आहे असं सांगण्यात येत आहे. ह्यातून लोकं सुखरूप बाहेर पडावीत अशी इच्छा राज यांनी व्यक्त केली. त्याचवेळी अशा घटनांचा प्रशासनासारख्या यंत्रणांना अंदाज का आला नाही याकडे लक्ष वेधून, त्यांनी व्यवस्थेवरच प्रश्न उपस्थित केले.

ट्विटमध्ये राज ठाकरेंनी काय म्हटलंय..?

राज ठाकरेंनी आपल्या ट्विटमधून मनसैनिकांना इर्शाळवाडीतील दुर्घटनेत मदतकार्य करण्याचं आवाहन देखील केलं आहे. ते म्हणाले, दुर्घटनेत जे जखमी झाले आहेत, त्यांच्यावर योग्य उपचार सुरु आहेत ना आणि त्यांच्या नातेवाईकांना आपल्याकडून काय मदत मिळेल हे पाहावं असं म्हटलं आहे. (MNS News)

याचवेळी त्यांनी खरंतर अशा घटना घडल्यावर लगेच हे बोलायची इच्छा नव्हती, पण आत्ता इतकंच सांगतो की, कुठे दरड कोसळू शकतात ह्याचा अंदाज जर त्या जिल्हा प्रशासनाला येत नसेल तर मग ते कसलं प्रशासन? असो. पुढे ह्यावर सविस्तर बोलेन पण आत्तातरी सगळे सुखरूप राहावेत हीच इच्छा असंही राज ठाकरे यांनी आपल्या ट्विटमध्ये नमूद केलं आहे.

(Edited By DeepaK Kulkarni)