शशिकांत मोदी शिवसेना सोडून भाजपमध्ये दाखल झाले.
प्रवेशानंतर त्यांनी नितेश राणेंची माफी मागून पक्षात सकारात्मक वातावरण निर्माण केले.
शहरप्रमुख म्हणून भाजप वाढीसाठी काम करण्याची ग्वाही दिली.
Ratnagiri News : रत्नागिरीत सध्या भाजप आणि एकनाथ शिंदे यांच्या शिवसेनेत वाद उफाळलेला दिसत आहे. हा वाद आगामी स्थानिकच्या पार्श्वभूमिवर पक्ष प्रवेशावरून सुरू झाला आहे. अशातच एका वादावर आज पडदा पडल्याने राजकीय चर्चा सुरू झाल्या आहेत. शिवसेनेतून भाजपमध्ये दाखल झालेले शहरप्रमुख शशिकांत मोदी यांनी राज्याचे बंदरविकास मंत्री तथा भाजप नेते नितेश राणेंची माफी मागितली. यामुळे विविध चर्चा होताना दिसत असून नेमक काय झालं होतं असा सवाल आता रत्नागिरीकर करताना दिसत आहेत.
मागिल वर्षी रत्नागिरीच्या गुहागर येथील शिवसेना उद्धव बाळासाहेब ठाकरे पक्षाचे आमदार भास्कर जाधव यांच्या कार्यालयासमोर जोरादार राडा झाला होता. भाजप नेते निलेश राणे यांचे कार्यकर्ते आणि शिवसेनेचे कार्यकर्ते एक-मेकांना भिडले होते. राणेंनी केलेल्या शक्तीप्रदर्शनावरून वाद झाल्याने दोन्ही बाजूने दगडफेक झाली होती. त्यावेळी शहरप्रमुख शशिकांत मोदीच होते.
दरम्यान विधानसभेच्या निवडणुकीवेळी नीलेश राणे भाजपमधून उपमुख्यमंत्री एकनाथ शिंदे यांच्या पक्षात गेले. शशिकांत मोदी यांनी भाजपची वाट धरली. त्यांना शहरप्रमुख पदावर काम करण्याची संधी भाजपकडून देण्यात आली. मात्र भाजपमधील स्थानिक कार्यकर्त्यांचा एक गट त्यांना नेता मानण्यास तयार नव्हता. या कारणाने सुरुवातीपासून पक्ष वाढवण्यासाठी प्रयत्न करणारे बाजूला गेले आणि बाहेरून आलेल्या मोदींना शहरप्रमुख म्हणून काम करण्याची संधी मिळाली.
चिपळूणच्या भाजपमध्ये राणे कुटुंबीयांना मानणारे कार्यकर्ते आहेत. मंत्री नीतेश राणे, खासदार नारायण राणे आणि आमदार नीलेश राणे यांचा चिपळूणशी सततचा संपर्क असतो. राणे कुटुंबाशी घेतलेला पंगा मोदींना त्यांच्या राजकीय वाटचालीत अडचणीचा ठरत होता.
त्यामुळे नुकताच चिपळूण दौऱ्यावर आलेल्या मंत्री राणे यांच्या दौऱ्यात शशिकांत मोदी यांनी कार्यकर्त्यांसमोर राणे कुटुंबीयांची माफी मागितली. या वेळी भाजपमधील अनेकांना आनंद झाला. मला शहरप्रमुख म्हणून काम करण्याची संधी पक्षाने दिली आहे. या पदाला न्याय देत पक्ष वाढवण्यासाठी काम करेन, अशी ग्वाहीसुद्धा त्यांनी या वेळी दिली.
प्र.१: शशिकांत मोदी कोण आहेत?
➡️ ते पूर्वी शिवसेनेचे शहरप्रमुख होते, आता भाजपमध्ये दाखल झाले आहेत.
प्र.२: त्यांनी नितेश राणेंची माफी का मागितली?
➡️ पक्षातील एकोपा राखण्यासाठी आणि नवीन सुरुवात करण्यासाठी त्यांनी माफी मागितली.
प्र.३: भाजपमध्ये त्यांची भूमिका काय असेल?
➡️ त्यांना शहरप्रमुख म्हणून जबाबदारी मिळाली असून पक्षवाढीसाठी ते काम करतील.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.