'बाबरी' पाडली तेव्हा भाजपचे नेते शेपट्या घालून पळत होते....राऊतांचा घणाघात

सिंधुदुर्ग : बाबरी मशिद पाडली तेव्हा भाजपचे सर्व वरिष्ठ नेते शेपटी घालून पळत होते, असा सणसणीत टोला शिवसेनेचे सचिव विनायक राऊत Vinayak Raut यांनी लगावला आहे.

बाबरी पडली तेव्हा शिवसेनेचे नेते कुठे होते, या फडणवीस यांच्या प्रश्नावर शिवसेनेचे सचिव विनायक राऊत यांनी देवेंद्र फडणवीस यांचा समाचार घेतला आहे.

ते म्हणाले, देवेंद्र फडणवीसांना आता अक्कल दाढ आली का? 29 वर्षानंतर त्यांना कळलं का? अख्ख्या देशाला माहिती आहे. ज्यावेळेला बाबरी मशिद पाडली, तेव्हा भाजपचे सर्व वरीष्ठ नेते शेपटी घालून पळत होते, रडत होते.

त्यावेळेला बाबरी पाडणाऱ्यांना खंबीर आधार बाळासाहेब ठाकरेंनी दिला. मुख्यमंत्री होत नाही, म्हणून देवेंद्रनचा स्मृतिभ्रंश झाला आहे. त्यामुळे ते अशी वक्तव्ये करत आहेत, असा टोलाही विनायक राऊत यांनी लगावला आहे.