Laxman Hake News : नुकत्याच झालेल्या विधानसभा निवडणुकीत महायुतीला मोठे यश मिळाले आहे. तब्बल 230 जागांवर महायुतीचे उमेदवार विजयी झाले आहेत. विजयी आमदारांमध्ये 112 आमदार मराठा-कुणबी आहेत. आत्ता ओबीसी आंदोलक लक्ष्मण हाके यांनी किती ओबीसी आमदार विजयी झाले आहेत,याचा आकडा जाहीर केला आहे.
विधानसभा निवडणुकीत 45 पेक्षा अधिक ओबीसी उमेदवार विजयी झाले आहेत, असे लक्ष्मण हाके यांनी सांगितले. महाराष्ट्रातील जातीवादाचे विष मराठे आणि ओबीसींनी संपवले, असे देखील हाके म्हणाले.
मनोज जरांगे फॅक्टर विधानसभेला आम्ही फेल ठरवला. आता जरांगे यांनी आंदोलन केले तर आम्ही त्याला प्रति आंदोलन करणार नाही. गावागावात आम्ही ओबीसीच्या संघटना बांधणार असल्याचे लक्ष्मण हाके यांनी सांगितले.
मी मंत्रि‍पदाचे वक्तव्य हे उपहासातून केले होते, असे हाके यांनी सांगितले. तसेच ज्यांनी जरांगे यांना आंदोलनासाठी ताकद पुरवली, मीडिया पुरवाला त्यांची या निकालाने नाउमेद झाली असतील, असा टोला देखील हाके यांनी नाव न घेता महाविकास आघाडीच्या नेत्यांना लगावला.
मनोज जरांगे यांनी पुन्हा एकदा मराठा समाजाला उपोषणासाठी हाक दिली आहे. जरांगे म्हणाले, आता निवडणूक झाली. आता तुमच्या लेकरांच बघा, कोण आलं कोण पडलं यातून बाहेर पडा. उपोषणाच्या तयारीला लागा.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.