Maharashtra Live updates : नागपूरमधील 1200 हून अधिक पारधी समाजातील विद्यार्थ्यांना न्याय

नागपूरमधील 1200 हून अधिक पारधी समाजातील विद्यार्थ्यांना अखेर न्याय मिळाला आहे. मागील अनेक दिवसांपासून सुरु असलेल्या संघर्षानंतर या विद्यार्थ्यांना जात प्रमाणपत्र आणि जात वैधता प्रमाणपत्र प्राप्त झाले आहे.

वैष्णवी हगवणे आत्महत्या प्रकरणानंतर वादात सापडलेल्या महिला आयोगावर माजी मंत्री यशोमती ठाकूर यांनीही टीका केली. बीडमध्ये 850 हून अधिक महिलांची गर्भाशय काढण्यात आली. त्यावेळी महिला आयोग झोपले होते का? असा सवाल ठाकूर यांनी केला.

वैष्णवी हगवणे आत्महत्या प्रकरणातील मुख्य संशयित आरोपी सासरा राजेंद्र हगवणे आणि दीर सुशांत हगवणे यांची पुन्हा 14 दिवसांच्या न्यायालयीन कोठडीत रवानगी करण्यात आली आहे. तर सहआरोपी निलेश चव्हाण याला 7 तारखेपर्यंत पोलीस कोठडी सुनावण्यात आली आहे.

वैष्णवी हगवणे आत्महत्या प्रकरणात न्यायालयीन कोठडीत असलेल्या सासू लता हगवणे आणि नवरा शशांक हगवणे यांना पुन्हा अटक करण्यात आली आहे. म्हाळुंगे पोलिसांनी या दोघांचाही ताबा घेतला आहे. जेसीबी फसवणूक प्रकरणात या दोघांना अटक झाली आहे.

वैष्णवी हगवणे आत्महत्या प्रकरणानंतर महिला आयोगाच्या कार्यपद्धतीवर प्रचंड टीका होता आहे. त्या पार्श्वभूमीवर आज मुंबई महिला आयोगाच्या कार्यपद्धतीवर मंथन होणार आहे. विधान परिषदेच्या उपसभापती निलम गोऱ्हे यांच्या अध्यक्षतेखाली ही बैठक पार पडत आहे.

सर्वोच्च न्यायालयाने स्थानिक स्वराज्य संस्थांच्या निवडणुका घेण्याचे आदेश दिल्यानंतर आता या प्रक्रियेला वेग आला आहे. राज्य सरकार या निवडणुकीसाठी प्रभाग रचना करणार असून त्याबाबतचे आदेश येत्या दोन दिवसात निघण्याची शक्यता आहे. राज्य सरकारने प्रभाग रचना केल्यानंतर अंतिम मंजुरीसाठी राज्य निवडणूक आयोगाकडे येईल.