Maharashtra Assembly Session : तालिका अध्यक्षांकडून राजकीय टिपण्णी, विजय वडेट्टीवार आक्रमक

पावसामुळे कोकणात पावसात वारंवार वीज जाते. कोकणात डीपीआरचे पैसे अखर्चित आहे. कमी दाबाची वीज मिळते. डीपीआर दुरुस्त होणार कधी? असा प्रश्न निलेश राणे यांनी सभागृहात मांडला.

दिंडोरी तालुक्यात गेल्या दोन महिन्यापासून सुरू असलेल्या पावसामुळे यावर्षी शेतीची मशागत नसल्याने, शेतकऱ्यांना पेहरणीसाठी शेतात शेतकऱ्यांना जाता आले नाही. जोरदार पाऊस असल्याने शेतीमध्ये पेरणीसाठी वापसा नसल्याने, त्या ठिकाणी पेरणी न करता आल्यामुळे किंवा पेरलेले पीक पावसाने खराब झाले. दिंडोरी तालुक्यात ओला दुष्काळ जाहीर करण्याची मागणी दिंडोरी लोकसभा मतदारसंघाचे खासदार भास्कर भगरे यांनी केली आहे.

सभागृहात तालिका अध्यक्षांकडून टिपण्णी करण्यात आली. त्यासंदर्भात विजय वडेट्टीवार आक्रमक झाले. विरोध सदस्यांवर तालिका अध्यक्षांकडून राजकीय टीपण्णी करणे अयोग्य आहे. शेतकऱ्यांच्या प्रश्नावर विरोध पक्षाने दिलेला प्रस्ताव हा नाटकी आहे, असे बोलणे योग्य नसल्याचे देखील वड्डेट्टीवार म्हणाले.

राज ठाकरे यांच्या विषयी आक्षेपार्ह पोस्ट केलेल्या केदार सोमण याच्या घरी जाऊन त्याला मारण्याच्या तयारीत मनसेचे पदाधिकारी होते. पोलिस केदार याला घेऊन जात असताना मनसे पदाधिकाऱ्यांना त्याला मारण्याचा प्रयत्न केला. केदार याची चौकशी करून पोलिसांनी त्याला घरी सोडून दिले आहे. मात्र,आज सकाळपासून पोलिसांनी मनसेच्या कार्यकर्त्यांची धरपकड सुरू केली आहे. मात्र घटनेवरून ताब्यात घेतले नाही अशी माहिती पोलिसांनी दिली आहे

लक्षवेधीच्या वेळी लक्षवेधी उपस्थित करणारे सदस्य सभागृत नसल्याने मंत्री संजय शिरसाट यांनी नाराजी व्यक्त केली. आम्हाला रात्री साडेआकरा वाजता लक्षवेधी मिळाली आम्ही सभागृहात उपस्थित राहिलो. मात्र, सदस्य उपस्थित राहणार नसतील तर हा विषय रेकाॅर्डवर आले पाहिजे. सभागृहाचा, अधिकाऱ्यांचा वेळ वाया जात आहे.