तमिळनाडूचे मुख्यमंत्री म्हणून अभिनेता विजय यांनी शपथ घेतली. विजयसोबत 9 जण मंत्रिपदाची शपथ घेत आहेत. या समारंभासाठी काँग्रेसचे नेते राहुल गांधी उपस्थित आहेत.
जालना जिल्ह्यातील भोकरदन तालुक्यातील विजय चिंचपुरे या गुंडावर जालना जिल्ह्यासह बुलढाणा जिल्ह्यातही अनेक गुन्हे दाखल आहेत. बुलढाणा जिल्ह्यातील देऊळगाव राजा इथल्या एका खासगी डॉक्टरला खंडणी मागितल्या प्रकरणी या गुंडावर गुन्हे दाखल आहेत आणि त्यानुसार तो बुलढाणा कारागृहात बंदी होता. मात्र कारागृहातून सुटताच या गुंडाची त्याच्या साथीदारांनी बुलढाणा शहरातून मिरवणूक काढत व त्याचा सत्कार केला. या मुळे बुलढाणा इथं कायदा आणि सुव्यवस्थेचे तीन तेरा वाजले आहेत.
चंद्रपूर जिल्ह्यातील चिमूर विधानसभेचे भाजपचे आमदार कीर्तीकुमार ऊर्फ बंटी भांगडिया यांचे स्वीय सहायक (पीए) महेश प्रेमलवार यांनी व्यवस्थापन कोट्यातील सफारी बुकिंगसाठी ताडोबा प्रकल्पाचे विभागीय वन अधिकारी सचिन शिंदे यांना फोनवरून शिवीगाळ केल्याचा प्रकार समोर आल आहे. ताडोबा पर्यटन माहिती केंद्रातील एका महिला कर्मचाऱ्याच्या फोनवरून प्रेमलवार यांनी अर्वाच्य भाषेत शिवीगाळ करत धमकी दिली. या धमकीनंतर सचिन शिंदे यांनी वरिष्ठांना महेश प्रेमलवारविरोधात पत्राद्वारे तक्रार केली आहे.
केरळच्या मुख्यमंत्रिपदासाठी असलेल्या तीन प्रमुख दावेदारांच्या समर्थकांकडून सुरू असलेल्या दबावतंत्राच्या पार्श्वभूमीवर, या मुद्यावर पक्षाचे शीर्षस्थ नेतृत्व 24 तासांच्या आत अंतिम निर्णय घेण्याची शक्यता आहे, असे काँग्रेसकडून ज्येष्ठ नेते के. मुरलीधरन यांनी सांगितले. ज्येष्ठ नेते व्ही. डी. सतीशन, रमेश चेन्निथला आणि के. सी. वेणुगोपाल यांच्या समर्थनासाठी राज्याच्या विविध भागात समर्थकांमध्ये पोस्टर युद्ध सुरू आहे.
माजी राज्य महिला आयोगाच्या अध्यक्षा रूपाली चाकणकर आज आएसआयटीसमोर हजर राहणार असल्याची माहिती समोर आली आहे.
मध्यप्रदेशातील 'कान्हा' व्याघ्र प्रकल्पात 'केनाईन डिस्टेंपर वायरस' मुळे एका आठवड्यात पाच वाघांचा मृत्यू झाल्याची माहिती समोर आली आहे. कान्हा व्याघ्र प्रकल्पातील ज्या 'सरही' सेक्टरमध्ये ही घटना घडली आहे, तिथे पाच वर्ग किलोमीटरचा भाग 'नो गो झोन' करण्यात आला आहे.
काँग्रेस नेते तथा लोकसभेचे विरोधी पक्षनेते राहुल गांधी हे विजय यांच्या शपथविधीसाठी उपस्थित राहणार आहेत. यासाठी ते चेन्नईत दाखल झाले आहेत.
टीव्हीके पक्षाचे प्रमुख विजय यांनी शनिवारी संध्याकाळी राज्यपाल राजेंद्र विश्वनाथ आर्लेकर यांची भेट घेऊन १२१ सदस्यांच्या पाठिंब्याचे पत्र सोपवल्यानंतर विजय यांचा मुख्यमंत्रीपदाची शपथ घेण्याचा मार्ग मोकळा झाला आहे. त्यानुसार रविवारी (ता.१०) सकाळी दहा वाजता विजय यांचा मुख्यमंत्रीपदाचा शपथविधी सोहळा पार पडणार असून त्यांना १३ मे पूर्वी विश्वासदर्शक ठराव संमत करून घेण्याचे निर्देश राज्यपालांनी दिले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.