धाराशिव जिल्ह्यात आज अंबादास दानवे,आमदार कैलास पाटील,आमदार प्रवीण स्वामी या तीन आमदाराच्या उपस्थितीमध्ये उबाठा गटाचे आंदोलन धरणे आंदोलन पार पडले. तुमसे ना हो पायेगा ही टॅगलाईन घेत हे धरणे आंदोलन पार पडले. मराठवाड्यात सध्या तीव्र दुष्काळाची परिस्थिती आहे. प्रकल्प रखडलेत तर गेल्या वर्षी अतिवृष्टीची अनुदानान सरकारने दिले नाही हे सरकार कुंभकर्णप्रमाणे झोपेत असून या सरकारला जाग करण्यासाठी मराठवाडा मुक्ती संग्राम दिनादिवशी पक्षप्रमुख उद्धव ठाकरे यांच्या उपस्थितीत छत्रपती संभाजीनगर येथे सर्व आमदार खासदार हे आंदोलन करणार असल्याची माहिती शिवसेना नेते अंबादास दानवे यांनी दिली आहे.
नाशिकमध्ये गणेशोत्सवाच्या पार्श्वभूमीवर सार्वजनिक गणेश मंडळे आणि पोलीस प्रशासनाची महत्त्वपूर्ण बैठक पार पडली आहे. पोलीस आयुक्त संदीप कर्णिक यांच्या प्रमुख उपस्थितीत बैठक पार पडली. यावेळी या गणेश उत्सव समन्वयक बैठकीला महावितरण विभागाचे अधिकारी उपस्थित नसल्याने आमदार फरांदे अधिकाऱ्यांवर भडकल्या. पुढच्या वेळी अशा बैठकांना महावितरण अधिकारी उपस्थित नसल्यास इतर अधिकाऱ्यांना देखील हुसकून देऊ असे म्हणत आमदार देवयानी फरांदे यांनी उपस्थित अधिकाऱ्यांना चांगलेच सुनावले,
लोकसभा विधानसभा निवडणुकीला अजून 3 वर्ष बाकी आहेत. त्यामुळे आता ग्रामपंचायत निवडणुकांकडे लक्ष द्या. आपल्याला या निवडणुकांमध्ये जास्तीत जास्त विजय संपादन करायचे आहे, अशा सूचना सुनील तटकरे यांनी कार्यकर्त्यांना दिल्या आहेत. पावसाळा संपताच सर्वोच्च न्यायालयाच्या निकालाच्या अधीन राहून आपल्याला उद्याच्या भवितव्याची वाटचाल करायची आहे असं देखील तटकरे यावेळी म्हणालेत. मागे आपण 24 ग्रामपंचायत निवडणुका जिंकलो मात्र यंदा चांगलं काम करून जास्तीत जास्त जोमाने काम करा अस आवाहन तटकरेंनी कार्यकर्त्यांना केलं.
काळवा : सध्या एफडीआयचे आयुक्त तुकाराम मुंडे यांच्या आदेशाने संपूर्ण महाराष्ट्रात धाडसत्र सुरू आहे. या पार्श्वभूमीवर रविवारी एका ग्राहकाने झेप्टो कंपनीकडून कळव्यातील एका ग्राहकाने आपल्या मुलीसाठी खाण्याचे मकान्याचे पॉकेट मागवले होते. या पॉकेटमधील मकान्याचे चार ते पाच पीस खाल्ले होते. या पॉकेटची मुदत दोन महिने आधीच संपल्याने मुलीच्या पोटात दुखू लागले.
तेव्हा तक्रारदराने संबंधित पॉकेटची तपासणी केली असता त्या पॉकेटवर मुदत उलटून दोन महिने झाल्याचे त्यांच्या निदर्शनात आले. यासंदर्भात तक्रारदाराने कळवा पोलीस तक्रार दाखल केली होती. व रविवारी समाजमाध्यमावर व्हिडिओ सुद्धा प्रसारित झाला होता, याची गंभीर दखल घेत एफडीआयच्या अधिकाऱ्यांनी सोमवार दिला. कंपनीच्या मुंबई-पुणे रस्त्यावरील दत्तवाडी येथील गोदामावर धाड टाकून येथील कर्मचाऱ्यांची तीन तास चौकशी सुरू सुरू केली आहे. एफडीआयचे अधिकारी येताच ठाणे महापालिकेचे गटनेते अभिजीत पवारसह अनेक कार्यकर्ते व कळवा खारेगावच्या नागरिकांनी गोदामाच्या ठिकाणी मोठ्या प्रमाणात गर्दी केली होती. यावेळी अनुचित प्रकार घडू नये म्हणून कळवा पोलीस ठाण्याचे अधिकारी व कळवा पोलिसांनी मोठ्या प्रमाणात बंदोबस्त ठेवला होता.
Pune News : विधान परिषदेच्या उपसभापतीपदाची जबाबदारी सांभाळलेल्या डॉ. नीलम गोऱ्हे यांच्यावर राज्य सरकारने पुन्हा एकदा महत्त्वाची जबाबदारी सोपवली आहे. राज्यातील स्त्रीभ्रूणहत्या आणि बेकायदेशीर गर्भपात रोखण्यासाठी स्थापन करण्यात आलेल्या राज्यस्तरीय कृती दलाच्या अध्यक्षपदी डॉ. नीलम गोऱ्हे यांची नियुक्ती करण्यात आली आहे. सार्वजनिक आरोग्य विभागाने याबाबत शासन निर्णय जारी केला आहे.
तुम्हाला आरक्षण द्यायचा कंटाळा आला असेल आणि यावर त्यावर बोलू नका असं म्हणायच असेल तुम्ही फक्त कारण देत असाल तर शिष्टमंडळाने अंतर वालीत येऊ नये, असे मनोज जरांगे पाटील यांनी सरकारला बजावले आहे.
कल्याण पश्चिमेतील रामबाग चार नंबर परिसरासह नगरसेवकांच्या कार्यालयासमोरील रस्त्यांवर मोठमोठे खड्डे पडले आहेत. याबाबत अनेकदा तक्रारी करूनही पालिका प्रशासनाकडून ठोस कार्यवाही होत नसल्याचा आरोप स्थानिक नगरसेविकांनी केला आहे. याच पार्श्वभूमीवर नगरसेविका स्वप्नाली केणे आणि अपर्णा भोईर यांनी पालिकेचे उपअभियंता रजपूत यांच्या कार्यालयात जाऊन अनोख्या पद्धतीने निषेध नोंदवला. खड्डे पडलेल्या रस्त्यांचे प्रतीक असलेली शाल अधिकाऱ्यांना परिधान करून त्यांचा ‘सत्कार’ करण्यात आला.
धाराशिव जिल्ह्यात आज आंबदास दानवे, आमदार कैलास पाटील आणि आमदार प्रवीण स्वामी या तीन आमदाराच्या उपस्थितीमध्ये उबाठा गटाचे आंदोलन धरणे आंदोलन पार पडले. सरकारने आतापर्यंत निष्ठा विकासाच्या पोकळ गप्पा हणल्या त्यामुळे तुमसे ना हो पायेगा ही टॅगलाईन घेत हे धरणे आंदोलन पार पडले. मराठवाड्यात सध्या तीव्र दुष्काळाची परिस्थिती आहे. प्रकल्प रखडलेत तर गेल्या वर्षी अतिवृष्टीची अनुदानान सरकारने दिले नाही हे सरकार कुंभकर्णप्रमाणे झोपेत असून या सरकारला जाग करण्यासाठी मराठवाडा मुक्ती संग्राम दिनादिवशी पक्षप्रमुख उद्धव ठाकरे यांच्या उपस्थितीत छत्रपती संभाजीनगर येथे सर्व आमदार खासदार हे आंदोलन करणार आहे. याच आंदोलनाच्या पार्श्वभूमीवर धाराशिव जिल्ह्याची प्रकल्पाची पाहणी दुष्काळाची पाहणी करत धरणे आंदोलन केलं असल्याची माहिती शिवसेना नेते अंबादास दानवे यांनी दिली आहे.
हिंदू सण आणि उत्सवांमध्ये बायांना नाचून अश्लील डान्स करणे हे मूर्खपणाचे लक्षण आहे. हिंदू सणांमध्ये डॉल्बी वाजले नाही पाहिजेत, डॉल्बी फेकून दिले पाहिजेत. त्यातून देशाला काय फायदा होतो आणि काय मिळते. दहीहंडी सणांमध्ये बायका नाचवणारे देशद्रोही आहेत अशी सडकून टीका भिडे गुरुजी यांनी केली आहे.
लावणी कलाकार गौतमी पाटीलच्या विरोधात नौपाडा पोलीस ठाण्यात गुन्हा दाखल करण्यात आला असून ही तक्रार भाजप नगरसेविका मृणाल पेंडसे यांनी दाखल केली आहे. तर ही तक्रार राजकीय नसून एक महिला म्हणून दाखल केल्याची माहिती पेंडसे यांनी दिली आहे. तसेच पेंडसे यांनी, अश्लील हावभाव, अश्लील नृत्य आणि डायलॉग बाजीविरोधात गौतमी पाटील आणि आयोजकांवरती गुन्हे दाखल करण्याची मागणी केली आहे.
मुंबईत मनसेने भाजपला मोठा धक्का दिला आहे. भाजप युवा मोर्चाचे उत्तर-पश्चिम मुंबई उपनगरचे उपाध्यक्ष दाऊद शेख यांनी पक्षाला सोडचिठ्ठी दिली. त्यांच्यासोबत शेकडो पदाधिकारी आणि कार्यकर्त्यांनी मनसेत प्रवेश केला. अमित ठाकरे यांच्या उपस्थितीत हा पक्षप्रवेश झाला. त्यामुळे भाजप-मनसे वादाच्या पार्श्वभूमीवर मुंबईतील राजकीय वातावरण चांगलेच तापले आहे.
मराठा आरक्षणाच्या मागण्यांवर सरकारने आवश्यक निर्णय घेतले आहेत, अशी माहिती मराठा उपसमितीचे अध्यक्ष राधाकृष्ण विखे पाटील यांनी दिली. मात्र, या निर्णयांनंतरही मनोज जरांगे पाटील समाधानी नसतील तर आता शिष्टमंडळ त्यांच्या भेटीस जाणार नाही, असे विखे पाटील यांनी स्पष्ट केले.
शिव प्रतिष्ठानचे संस्थापक संभाजी भिडे यांनी हिंदू सणांमध्ये वाजवणाऱ्या डॉल्बीवर आक्षेप घेतला आहे. हिंदू सणांमध्ये डॉल्बी वाजले नाही पाहिजे. संपूर्ण देशाने या सणांमध्ये डॉल्बी वाजतात ते फेकून दिले पाहिजे, असे रोखठोक मत शिव प्रतिष्ठानचे संस्थापक संभाजी भिडे यांनी व्यक्त केलं. डॉल्बी वाजवून त्यातून काय मिळतं?, असा सवालही संभाजी भिडे यांनी उपस्थित केला. हिंदू सणांमध्ये महिला नाचवणे योग्य नाही. ज्यांनी दहीहंडी या हिंदूंच्या कार्यक्रमात डान्सर नाचवल्या, ते सगळे देशद्रोही आहेत, अशी टीकाही संभाजी भिडे यांनी केली.
गणेशोत्सवाच्या पार्श्वभूमीवर कोकणवासियांचा प्रवास सुखकर व्हावा यासाठी मुंबई-गोवा महामार्गाची दुरुस्ती सुरू झालीय. अवघ्या 6 दिवसांवर सण आल्यानं प्रशासकीय यंत्रणा दिवस-रात्र खड्डे बुजवण्यात व्यस्त आहे. रायगडच्या नागोठणे इथल्या धोकादायक पुलाजवळील सर्व्हिस रोडवर हे काम युद्धपातळीवर सुरुय.
मुंबईत काँग्रेसचं वरातीमागून घोडं असल्याचं पाहायला मिळतंय. मुंबई काँग्रेसच्या अध्यक्षा वर्षा गायकवाड यांनी 79 जणांची पक्षातून हकालपट्टी केलीय. यात 2024मध्ये पक्ष सोडलेल्या आणि भाजपच्या वतीनं महापालिका लढवलेल्या दोघांचीही हकालपट्टी करण्यात आलीय. त्यामुळे मुंबई काँग्रेसमध्ये नवा वाद पेटण्याची शक्यता आहे. खरंतर 2024मध्ये पक्ष सोडलेल्या पदाधिकाऱ्यांवर 26मध्ये कारवाई केल्यानं मुंबई काँग्रेसचं हे वरातीमागून घोडं नाही का अशी चर्चा रंगलीय.
मराठा आरक्षणाच्या मागणीसाठी मनोज जरांगे पाटील यांच्या आंदोलनाची तीव्रता वाढत आहे. या पार्श्वभूमीवर मुख्यमंत्री देवेंद्र फडणवीस यांच्या वर्षा निवासस्थानी मध्यरात्री उच्चस्तरीय बैठक पार पडली. या बैठकीला मुख्यमंत्री देवेंद्र फडणवीस यांच्यासह उपमुख्यमंत्री एकनाथ शिंदे, चंद्रशेखर बावनकुळे, उदय सामंत, राधाकृष्ण विखे पाटील यांच्यासह अनेक नेते उपस्थित होते. मराठा आरक्षणाच्या प्रश्नावर सरकारची पुढील भूमिका काय असावी या संदर्भात बैठकीत चर्चा झाल्याची माहिती आहे.
साखर कारखाने लवकर सुरू करण्यास स्वाभिमानी शेतकरी संघटनेचा विरोध असेल, अशी भूमिका स्वाभिमानी शेतकरी संघटनेचे नेते राजू शेट्टी यांनी घेतली आहे. शेतकऱ्यांना विश्वासात घेतल्याशिवाय उसाचा हंगाम सुरू करू देणार नाही. साखर कारखाने लवकर सुरू केल्यास उताऱ्यामध्ये एक ते दीड टक्क्याचा फरक पडू शकतो. त्यामुळे शेतकऱ्याचे प्रति टन 600 रुपये नुकसान होणार शेतकऱ्यांचे होणारे नुकसान सरकार भरून देणार आहे का? असा सवाल उपस्थित करत शेट्टी यांनी आपला विरोध दर्शवला आहे.
शिवसेना भवनात आज ठाकरेंच्या शिवसेनेच्या पदाधिकाऱ्यांची बैठक आयोजित करण्यात आली आहे. पक्षाचे प्रमुख उद्धव ठाकरे यांच्या नेतृत्वात ही बैठक होणार असल्याची माहिती आहे.
मराठा समाजाच्या मागण्यांबाबत सरकार वेळकाढूपणा करत असल्याचा आरोप करत मराठा आरक्षण आंदोलक मनोज जरांगे पाटील यांनी मुंबईत धडक देण्याची तयारी चालवली आहे. येत्या १२ सप्टेंबर रोजी मुंबईतील आंदोलनाची रणनीती ठरवण्यासाठी अंतरवालीत राज्यभरातील समाज बांधवाना येण्याचे आवाहन करण्यात आले आहे. एकीकडे मुंबईतील आंदोलनाची तयारी तर दुसरीकडे सरकारच्या वतीने गावागावात ग्रामपंचायतींवर मराठा-कुणबी नोंदींच्या याद्या लावण्याचा कार्यक्रमही हाती घेण्यात येणार आहे. यासाठी १० ते १७ सप्टेंबर दरम्यान सर्व तालुक्यांमध्ये मंडळनिहाय शिबीरे आयोजित करण्यात येणार आहेत.
मनोज जरांगे पाटील यांची प्रकृती बिघडल्याचे समजताच सोमवारी रात्री अडीच वाजता मंत्री उदय सामंत आणि प्रसाद लाड यांनी फोनवरून विनंती केल्याने मनोज जरांगे जरांगे यांनी रात्री अडीच वाजता सलाईन घेतले. रात्री त्यांना चार सलाईन लावण्यात आले असून शुगर लेवल आणि वजन कमी झाल्यामुळे मनोज जरांगे यांचा त्रास वाढला होता. डॉक्टरांचे रिपोर्ट गेल्यानंतर लाड आणि सामंत यांनी जरांगे यांना फोनवरून विनंती केल्याचं सांगितलं जात आहे.
राज्यभर गाजत असलेल्या बनावट स्कूल आयडी प्रकरणात धक्कादायक माहिती समोर आली आहे. या प्रकरणात शिक्षक उपसंचालकाने १८ ते २० कोटींची माया गोळा केली आहे. उत्तर महाराष्ट्र १९० कोटींचा बनावट स्कूल आयडी घोटाळा पुढे आला आहे. या प्रकरणात आतापर्यंत शिक्षण उपसंचालकांसह तीन शिक्षण अधिकाऱ्यांना अटक झाली आहे. या सर्वांचा जामीन न्यायालयाने फेटाळला आहे. नाशिक पोलिसांच्या एसआयटीने या तपासात धक्कादायक खुलासा केला आहे. नाशिकचे तत्कालीन शिक्षण उपसंचालक भाऊसाहेब चव्हाण हेच या प्रकरणाचे मास्टरमाइंड निघाले. त्यांनी कोट्यावधींची माया गोळा केली आहे.
रत्नागिरीतील कुणबी भवन येथे पार पडलेल्या 'ओबीसी जनमोर्चा' आणि 'ओबीसी संघर्ष समन्वय समिती'च्या बैठक झाली. ओबीसी नेते चंद्रकांत बावकर यांनी, केंद्र व राज्य सरकारच्या भूमिकेवर तीव्र ताशेरे ओढले. राज्य सरकारने 2 सप्टेंबरला जारी केलेल्या 'हैदराबाद गॅझेट'च्या जीआरला आणि सुनील सप्रे (एसईबीसी) अहवालाला 'ओबीसी महासंघा'तर्फे न्यायालयात आव्हान देण्यात आले आहे. 'सगेसोयरे'च्या अंमलबजावणीवरून चाललेल्या गोंधळावर बोट ठेवत, "जात पडताळणी समिती ही एक स्वतंत्र न्यायिक यंत्रणा आहे. त्यावर सरकार किंवा जरांगे यांचा दबाव चालणार नाही. बोगस कुणबी दाखल्यांच्या आधारे निवडून आलेले नगरसेवक आणि जिल्हा परिषद सदस्यांचे व्हॅलिडेशन रद्द झाले आहे, त्यांना राजकीय अभय मिळवून देण्यासाठीच जरांगे आंदोलनाचे नाटक सुरू आहे, असा घणाघात चंद्रकांत बावकर यांनी केला.
स्कॉलरशिप, वसतिगृहातील प्रवेश, आधार योजना, स्वाधार योजना, स्वयंभू योजना या महत्त्वाच्या वेबसाईट मागील दीड महिन्यापासून बंद आहेत. वेबसाईट बंद असल्याने विद्यार्थ्यांना नाहक त्रास सहन करावा लागत आहे. यासोबतच वसतिगृहातील प्रवेश, आधार योजना, स्वाधार योजना, स्वयंभू योजना या वेबसाईटही बंद आहेत. याचा मोठा फटका विद्यार्थ्यांना बसत आहे. विद्यार्थ्यांना वंचित ठेवून निधी दुसरीकडे वळविण्याचा सरकारचा हा डाव असू शकतो, असा आरोप राष्ट्रीय ओबीसी महासंघाचे महासचिव सचिन राजूरकर यांनी केला आहे.
कुडाळच्या राजकीय वर्तुळातून सध्या आरोप-प्रत्यारोपांना चांगलाच रंग चढला आहे. शिवसेना जिल्हाप्रमुख दत्ता सामंत यांनी माजी आमदार वैभव नाईक यांच्यावर जोरदार हल्लाबोल केला आहे. गेल्या दहा वर्षांत महाराष्ट्राच्या विधिमंडळात ज्या ठिकाणी बोलायला हवं होते, तिथे वैभव नाईक कधीच बोलले नाहीत, कारण त्यांचा अभ्यासच नाही, अशी बोचरी टीका सामंत यांनी केली आहे.
सोलापुरात ऊस बिलासाठी शेतकऱ्यांचे अर्ध नग्न आंदोलन केले. अडीच कोटी रुपयांचे ऊस बिल मिळत नसल्याने संतप्त शेतकऱ्यांनी काल झाडावर चढून आंदोलन केले. आंदोलनावेळी एका महिला शेतकऱ्याचे अश्रू अनावर झाले. यावेळी मध्यस्थीसाठी आलेल्या तहसीलदारांनी महिला शेतकऱ्यांचे अश्रू पुसले. महिला शेतकऱ्याला आईप्रमाणे जवळ घेणाऱ्या आणि डोळे पुसतानाचा तहसीलदार किरण जमदाडे यांचा व्हिडिओ सोशल मीडियावर व्हायरल झाला आहे.
मनोज जरांगे पाटील मराठा समाजाला शिक्षण व नोकऱ्यांमध्ये 'एसईबीसी' प्रवर्गाच्या माध्यमातून दहा टक्के कायदेशीर आरक्षण दिले. महाराष्ट्र राज्य मागासवर्ग आयोगामार्फत मराठा समाजाच्या मागासलेपणाचा अहवाल तयार करून कायद्याच्या कसोटीवर टिकणारे आरक्षण दिले. जरांगे पाटलांनी एकेरी शब्दाचा वापर करू नये. त्यांनी सामाजिक जाण आणि भान ठेवून आदर करावा, असे आवाहन छत्रपती संभाजी सेनेचे संस्थापक अध्यक्ष लक्ष्मण शिरसाठ यांनी केले.
सातारा जिल्हा बँकेची निवडणूक आता हळूहळू रंगात येऊ लागली आहे. या निवडणुकीत ठराव घेण्यावरून सार्वजनिक बांधकाम मंत्री शिवेंद्र राजे भोसले आणि शरद पवार राष्ट्रवादीचे प्रदेशाध्यक्ष शशिकांत शिंदे यांच्यात गेल्या काही दिवसांपूर्वी संघर्ष पाहायला मिळाला होता. त्यानंतर जावळीतील राजकीय वातावरण हे अजूनही गरमच असल्याचे पाहायला मिळत आहे. जावळीतील दहीहंडी उत्सवादरम्यान सार्वजनिक बांधकाम मंत्री शिवेंद्र राजे भोसले यांनी विरोधकांचा जोरदार समाचार घेत विरोधकांना इशारा दिला आहे. 'जंगल मे घुमते वक्त जंगल खामोश है, इसका मतलब ये मत समझो की, जंगल मे शेर नही है..,' उगीच आम्हाला डिवचण्याचे काम करू नका तुम्हाला परवडणार नाही, असा इशारा शिवेंद्र राजे यांनी शशिकांत शिंदे यांचे नाव न घेता दिला.
मराठवाड्यात गेल्या महिन्याभरापासून खंड पडला असून, दुष्काळछाया गडद झाली आहे. लातूर, बीड, धाराशिव आणि परभणी जिल्ह्यातील पिकांनी मान टाकायला सुरूवात केली आहे. काही मंडालांमध्ये 38 दिवसांपासून पाऊस झालेला नाही. पुढील काळात पाण्याचे संकट तीव्र होणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.