बहुपत्नीत्व हा आमदारकी रद्द करण्याचा आधार असू शकत नाही, असे न्यायालयाने आपल्या निकालात नमूद केले आहे. या प्रकरणाची सुनावणी नुकतीच न्यायालयामध्ये झाली. यावेळी तक्रारदार आणि आमदाराची बाजू ऐकल्यानंतर पालघरचे भारतीय जनता पार्टीचे आमदार राजेंद्र गावित यांची निवड रद्द करण्यास उच्च न्यायालयाने नकार दिला आहे.
निवडणूक प्रतिज्ञापत्रात गावित यांनी त्यांच्या वैवाहिक स्थितीबाबत खुलासा केला होता आणि हा खुलासा निवडणूक नियमांचे उल्लंघन ठरत नाही, असे सांगत न्यायालयाने गावित यांना दिलासा दिला आहे. पालघर येथील सामाजिक कार्यकर्ते सुधीर जैन यांनी गावित यांच्या आमदारकीला उच्च न्यायालयात आव्हान दिले होते.
गावित यांचे दुसरे लग्न हिंदू विवाह कायद्यानुसार अवैध असून त्यांनी दुसरी पत्नी रूपाली गावित यांच्याबाबत तपशील सादर करणे अयोग्य असल्याचा दावा केला होता. निवडणूक प्रतिज्ञापत्रात आपण वैवाहिक स्थितीबाबत दिलेली माहिती ऐच्छिक आणि सत्य होती, असा प्रतिदावा गावित यांनी याचिका फेटाळण्याची मागणी करताना केला होता.
भिल्ल समुदायात बहुपत्नीत्वाला परवानगी आहे जिथे दुसऱ्या लग्नावर कोणतेही बंधन नाही. खंडपीठाने म्हटलं की, अशा खुलाशामुळे निवडणूक नियमांचं उल्लंघन कसं होतं याबद्दल याचिकेत कोणताही युक्तिवाद नाही.
उमेदवाराने अशी दोन्ही पत्नींसंदर्भातील ऐच्छिक माहिती देण्यावर कोणताही कायदेशीर प्रतिबंध नाही.विशेषतः जेव्हा बहुपत्नीत्वाला परवानगी देणाऱ्या आदिवासी प्रथेत तशी पद्धत असेल तर यावर आक्षेप घेण्याचा काही प्रश्नच येत नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.