Maharashtra Breaking News LIVE : तिघा सराईत गुन्हेगारांकडून 10 गुन्हे उघडकीस, चोरीचा 11 लाखांचा मुद्देमालासह जप्त

अहिल्यानगर जिल्ह्यात जबरी चोरी करणारे तिघे सराईत गुन्हेगारांना स्थानिक गुन्हे शाखेने अटक केली असून, आरोपींकडून 10 गुन्हे उघडकीस आले आहे. या सराईत गुन्हेगारांकडून 11 लाख 19 हजार 800 रुपये किमतीचा मुद्देमालासह जप्त करण्यात आल्याची माहिती स्थानिक गुन्हे शाखा पोलिस निरीक्षक किरणकुमार कबाडी यांनी केली.

भुसावळमध्ये नगराध्यक्ष पदाचा वाद विकोपाला जाण्याची शक्यता आहे. राष्ट्रवादी काँग्रेस पार्टी शरदचंद्र पवार पक्षाच्या नगराध्यक्षा गायत्री भंगाळे यांना सरकारने अपात्र ठरवली आहे. असे असताना देखील नगराध्यक्षपदाचा पदभार सोडण्यास गायत्री भंगाळे यांनी नकार दिला आहे. नगरविकास विभागाने अपात्र ठरवल्याप्रकरणी गायत्री भंगाळे त्यांनी उच्च न्यायालयात धाव घेत असून, त्यावर सुनावली प्रलंबित असल्याने नगराध्यक्ष पदाचा पदभार सोडण्यास गायत्री भंगाळे यांनी नकार दिला आहे.

केंद्र सरकारने मध्यपूर्वेतील तणावाच्या पार्श्वभूमीवर घेतलेल्या निर्णयांबाबत शरद पवार यांनी चिंता व्यक्त केली आहे. पंतप्रधान नरेंद्र मोदी यांच्या अलीकडील घोषणांमुळे देशातील नागरिक, उद्योग क्षेत्र आणि गुंतवणूकदारांमध्ये संभ्रमाचे वातावरण निर्माण झाल्याचे त्यांनी म्हटले. या निर्णयांचा अर्थव्यवस्थेवर मोठा परिणाम होऊ शकतो, त्यामुळे परिस्थितीकडे गांभीर्याने पाहण्याची गरज असल्याचे पवारांनी सांगितले.

पुढील चार दिवस राज्यातील काही भागात उष्णतेची लाट असेल, अशी शक्यता हवामान विभागाने व्यक्त केली आहे. उत्तर-मध्य महाराष्ट्रात उष्णतेचा यलो अलर्ट देण्यात आला आहे... यामुळे नागरिकांच्या अंगाची काहिली होणार आहे.

पिंपळगाव जोगा ता.जुन्नर येथील धरणाचा कालवा पिंपळगाव जोगा गावच्या हद्दीतच रात्री फुटला असून लाखो लिटर पाणी तर वाया गेलेच आहे.मात्र या कालवा फुटीच्या पाण्याने अंदाजे २५ एकर शेतीचे नुकसान होऊन शेतकऱ्यांचे ही मोठे आर्थिक नुकसान झाले आहे.

आसामच्या मुख्यमंत्रीपदाची आज हिमंत बिस्वा सरमा शपथ घेणार आहेत. दुसऱ्यांदा ते मुख्यमंत्रीपदी विराजमान होत आहे.