मराठा आंदोलक मनोज जरांगे पाटील आज नाशिक जिल्ह्याच्या दौऱ्यावर आहे. मराठा आरक्षणासाठी सुरू असलेल्या आंदोलनाच्या पार्श्वभूमीवर हा दौरा आहे. जरांगे पाटील नाशिकमध्ये काय भूमिका घेणार, याकडे राजकीय वर्तुळाचे लागले आहे.
पुणे महापालिका निवडणुकीमध्ये अजित पवार यांच्या राष्ट्रवादीकडून गुंड बंडू आंदेकर यांच्या कुटुंबातील दोन सदस्यांना उमेदवारी देण्यात आली आहे. तसेच गुंड गजा मारणे याच्या पत्नीला देखील राष्ट्रवादीकडून उमेदवारी देण्यात आली आहे. यावर आता अजित पवारांनी स्पष्टीकरण दिलं आहे. सचिन खरात यांच्यासोबत आमची युती झाली असून त्यांना काही जागा आम्ही दिल्या असल्याच सांगत अजित पवारांनी सचिन खरात यांच्या पक्षाच्या माध्यमातून या गुन्हेगारी कुटुंबांना उमेदवारी दिल्या असल्याचं अप्रत्यक्षपणे सांगितलं आहे.
ठाणे महापालिका निवडणुकीसाठी एकनाथ शिंदेंच्या शिवसेनेचा बालेकिल्ला मानल्या जाणाऱ्या वागळे इस्टेट परिसरातील प्रभाग क्रमांक 16, 17 आणि 18 मधील ठाकरेंची शिवसेना, मनसे आणि वंचित बहुजन आघाडीसह अपक्ष उमेदवारांचे नामनिर्देशन अर्ज बाद केल्यामुळे या पक्षाच्या नेत्यांनी संताप व्यक्त करत निवडणूक निर्णय अधिकाऱ्यांवर पक्षपाती आणि अन्यायकारक भूमिका घेतल्याचा गंभीर आरोप केला आहे.
नूतन वर्ष महाराष्ट्राचे, महाराष्ट्राच्या समृद्धीचे, विकासाचे नवपर्व आणणारे ठरेल, असा विश्वास व्यक्त करून मुख्यमंत्री देवेंद्र फडणवीस यांनी राज्यातील नागरिकांना नववर्ष प्रारंभाच्या शुभेच्छा दिल्या आहेत. ‘सरत्या वर्षातील कटू प्रसंगांना विसरूया आणि सुमधूर आठवणींकडून प्रेरणा घेत, पुढे जाऊया. महाराष्ट्र सर्वच क्षेत्रात अग्रेसर, नेतृत्व करणारे राज्य आहे. महाराष्ट्राच्या प्रगतीची पताका अशीच फडकत राहो, यासाठी आपण एकजूट करूया. महाराष्ट्राच्या मातीत आव्हाने स्वीकारण्याची धमक आहे. आव्हाने आलीच, तर त्यावर मात करण्याचा निर्धार करुया. नवे वर्ष नवचैतन्य घेऊन येणारे, आशा, आकांक्षांना बळ देणारे ठरेल, अशी आशा व्यक्त करून मुख्यमंत्री फडणवीस यांनी नववर्ष सर्वांसाठी आरोग्यदायी, सर्वच क्षेत्रात भरभराट, समृद्धी घेऊन येणारे ठरावे, अशा शुभेच्छा दिल्या आहेत.
लाडक्या बहिणींना नवीन वर्षाचं गिफ्ट मिळालं. नवीन वर्षावर लाभार्थी बहिणींच्या खात्यात नोव्हेंबर महिन्याचे पैसे जमा होण्यास सुरुवात झाली आहे. लाडकी बहीण योजनेच्या नोव्हेंबरचा हप्ता जमा होण्यास उशिर झाला आहे. त्यानंतर आता नोव्हेंबरचा हप्ता जमा करण्यात आला असून अनेक महिलांच्या खात्यावर पैसे जमा व्हायला सुरूवात जाली आहे.
जळगाव शहर महानगरपालिकेच्या निवडणुकीत भाजपाच्या माजी महानगर जिल्हाध्यक्ष उज्वलाताई बेंडाळे या प्रभाग क्रमांक १२ ब मधून बिनविरोध झाल्याची अधिकृत घोषणा निवडणूक निर्णय अधिकारी जितेंद्र कुंवर यांनी केली आहे. त्यामुळे कल्याण डोंबिवलीनंतर आता जळगावातही भाजपचा उमेदवार मतदानाआधी विजयी झाल्याच पाहायला मिळत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.