विरोधकांच्या पागडी गुल होऊ लागल्या आहेत कारण पागडी संदर्भात आम्ही चांगला निर्णय घेतलेला आहे, अशा शब्दांत उपमुख्यमंत्री एकनाथ शिंदे यांनी आदित्य ठाकरेंना टार्गेट केलं आहे.
मनसेचे मुंबई अध्यक्ष संदीप देशपांडे यांनी राज्य निवडणूक आयोगानं आगामी महापालिका निवडणुकांची घोषणा मतदारयाद्यांमधील असलेला घोळ सोडवण्याच्या आधीच केल्याचा आरोप केला आहे. पण आता ज्या ठिकाणी बोगस मतदार आढळेल, त्याला मात्र आम्ही मनसे स्टाईलनं दणका देणार असल्याचा इशाराही देशपांडे यांनी दिला.
मुंबई उच्च न्यायालयाच्या समोर प्रकाश सावंत या व्य़क्तीनं स्वत:च्या अंगावर पेट्रोल ओतून पेटवून घेत आत्महत्येचा प्रयत्न केल्याची धक्कादायक घडली आहे. संबंधित व्यक्तीचा वकिलासोबत पैशातून वाद झाल्याची माहिती समोर येत आहे. सावंत कणकवली येथील पाटबंधारे प्रकल्पग्रस्त असल्याचं बोललं जात आहे.
राष्ट्रवादी काँग्रेस शरदचंद्र पवार पक्षाचे नेते जयंत पाटील यांनी संपूर्ण नाभिक समाजाची जाहीरपणे माफी मागितली आहे. विधिमंडळाच्या हिवाळी अधिवेशनात जयंत पाटील यांनी बोलताना राज्यातील बिघडलेल्या कायदा सुव्यवस्थेवर कठोर शब्दांत भाष्य करताना पोलिसांसाठी हजामत शब्दाचा उल्लेख केला होता. बीड जिल्ह्यातील राम खाडे यांच्यावर झालेल्या हल्ल्याच्या संदर्भाने सभागृहात पाटील यांनी पोलीस काय हजामत करतात का? असं म्हटलं होतं. यावर आता जयंत पाटील यांनी हजामत ही शब्द बोलण्याची चूक घडली आहे, बोलण्याच्या ओघात मी बोलून गेलो. मात्र, मी नाभिक समाजाची माफी मागतो, असं स्पष्ट केलं आहे.
विधान परिषदेत एकनाथ शिंदेंनी उद्धव ठाकरेंवर 'मुंबईच्या तिजोरीवर दरोडा टाकणारे रहमान डकैत कोण?' अशी टीका केली होती. यावर आदित्य ठाकरेंनी उत्तर दिले आहे. कुठून कुठून धूर येतोय त्यांनाच विचारा असा पलटवार आदित्य ठाकरे यांनी केला.
नाशिकच्या महाकवी कालिदास कलामंदिर येथे सिंहस्थ कुंभमेळा 2027 साठी हरित कुंभच्या शुभारंभातून वृक्षारोपण व विविध विकास कामांचे भूमिपूजन सोहळा पार पडला. कुंभमेळा मंत्री गिरीश महाजन यावेळी उपस्थितीत होते.
या कामांचे झाले भूमीपूजन
1. अमृत 2.0 योजनेंतर्गत मलनि:सारण व्यवस्था विकासित करणे- प्रकल्पाची किंमत रू 227 कोटी
2. नाशिक म्युनिसिपल बाँड अंतर्गत मलनि:सारण व्यवस्था विकसित करणे- प्रकल्पाची किंमत रू.225 कोटी
3. कुंभमेळासाठी नाशिक शहरातील 7 रस्ते व 2 पूल विकसित करणे- प्रकल्पाची किंमत रू. 237.66 कोटी
4. हरित कुंभचा शुभारंभ, 15 हजार वृक्षारोपणाचा प्रारंभ
राज्य निवडणूक आयोगाने महाराष्ट्रातल्या एकूण 29 महापालिकांच्या निवडणुकीची घोषणा करण्यात आली आहे. 29 महापालिकेमधील 2869 जागांसाठी मतदान होणार आहे. या महापालिका निवडणुकीसाठी नामनिर्देश पत्र स्विकारण्याचा कालावधी 23 डिसेंबर ते 30 डिसेंबर असा असणार आहे, तर 31 डिसेंबर रोजी अर्जाची छाणनी होणार आहे, तर 15 जानेवारी रोजी मतदान होणार आहे. तर १६ जानेवारीला मतमोजणी होणार आहे.
असा असेल निवडणूक कार्यक्रम
नामनिर्देशन पत्र स्विकारण्याचा कालावधी २३ डिसेंबर ते ३० डिसेंबर २०२५
नामनिर्देशन पत्रांची छाननी ३१ डिसेंबर २०२५
उमेदवारी अर्ज माघार घेण्याची मुदत २ जानेवारी २०२६
निवडणूक चिन्ह वाटप आणि अंतिम उमेदवारांची यादी जाहीर ३ जानेवारी २०२६
मतदान दिनांक: १५ जानेवारी २०२६
मतमोजणीचा दिनांक : १६ जानेवारी २०२६
राज्य निवडणूक आयोगाची पत्रकार परिषद काही मिनिटांतच सुरू होणार आहे. राज्यातील २९ महापालिकांच्या निवडणुकांचा कार्यक्रम आज जाहीर होण्याची शक्यता आहे.
मुंबईत रेसकोर्सच्या जागी सेंट्रल पार्क होणार असल्याचे उपमुख्यमंत्री एकनाथ शिंदे यांनी आज स्पष्ट केले. १२५ एकर जागेत हे पार्क उभारण्याचा संकल्प असल्याचे त्यांनी सांगितले. मुंबई महापालिका निवडणुकीची घोषणा काही मिनिटांतच होण्याची शक्यता आहे. त्याआधीच शिंदे यांनी या प्रकल्पाचा आढावा घेतला.
सांगली-मिरज-कुपवाड महापालिका निवडणुकीसाठी महाविकास आघाडीत मैदानात उतरणार आहे. आज जयंत पाटील यांनी अपक्ष खासदार विशाल पाटील यांच्याशी हातमिळवणी केली आहे. त्यांच्यासोबत काँग्रेस नेते विश्वजित कदम हेही होते. जागावाटपाबाबत प्राथमिक बोलणी झाली असून लवकरच त्यावर शिक्कामोर्तब होणार असल्याचे संकेत जयंत पाटील यांनी दिले.
सांगली निवडणुकीच्या पार्श्वभूमीवर महाविकास आघाडीचे नेते जयंत पाटील, विश्वजीत कदम आणि विशाल पाटील यांची पत्रकार परिषद. आगामी निवडणुकीच्या पार्श्वभूमीवर तिन्ही नेत्यांमध्ये महापालिका निवडणुकीसाठी एकत्रित लढण्या बाबत चर्चा झाली आहे.
जुन्नर तालुक्यातील पारगाव तर्फे आळे परिसरात बिबट्याच्या हल्ल्याची धक्कादायक घटना घडली आहे. शेतालगत असताना दबा धरून बसलेल्या बिबट्याने शेतमजुराच्या लहान मुलावर अचानक हल्ला केला. या हल्ल्यात बाबु नारायण कापरे (वय ८) या चिमुकल्याचा दुर्दैवी मृत्यू झाला. घटनेनंतर परिसरात भीतीचे वातावरण पसरले आहे.
आज 4 वाजता राज्य निवडणूक आयोगाची पत्रकार परिषद होणार आहे. या पत्रकार परिषदेत महापालिका निवडणूकीचे बिगुल वाजण्याची शक्यता वर्तवण्यात येत आहे.
मुख्यमंत्री देवेंद्र फडणवीस यांच्या हस्ते इचलकरंजीत छत्रपती संभाजी महाराज यांच्या पुतळ्याचे अनावरण करण्यात आले आहे.
संसदेचे हिवाळी अधिवेशन सुरु आहे. 15 ते 19 डिसेंबरदरम्यान सभागृहात हजर राहा'असा व्हिप भाजपच्या खासदारांना बजावण्यात आला आहे. भाजप खासदारांना 3 ओळींचं व्हिप पाठवण्यात आला आहे.
ठाकरे सेनेतील नेत्य तेजस्वी घोसाळकर यांनी शिवसेनेला राम राम करुन आज भाजप मध्ये प्रवेश केला. भाजपचे मुंबई अध्यक्ष आमदार अमित साटम यांच्या उपस्थितीत त्यांनी प्रवेश केला.
राजगुरुनगर मध्ये विद्यार्थ्यावर चाकूने हल्ला झाल्याची घटना सकाळी घडली होती. यात त्या मुलांचा मृत्यू झाला आहे. या घटनेनंतर सर्वत्र हळहळ व्यक्त केली जात आहे.
छत्रपती संभाजीनगर शहरात महायुतीत मोठा भाऊ कोण यावरून शिवसेना-भाजपमध्ये कुरघोडीचं राजकारण सुरू आहे. भाजप अंतर्गत सर्व्हेचा दाखला देत जास्त जागांसाठी आग्रही आहे. आतापर्यंतच्या निवडणुकांचा दाखला देण्यासही शिवसेना विसरली नाही. संभाजीनगर महापालिकेत कायमच शिवसेनेच्या जास्त जागा होत्या त्यामुळे नेहमीच ते मोठ्या भावाच्या भूमिकेत होते याची आठवणही शिवसेनेनं करून दिली आहे.
राजगुरूनगरमध्ये खासगी क्लासेसमध्ये एका विद्यार्थ्याने दुसऱ्या विद्यार्थ्यावर चाकूने हल्ला करत त्याला गंभीर जखमी केल्याचे समोर आले आहे. हल्ला करणारा विद्यार्थी दुचाकीवरून फरार झाला आहे.
शिवसेना उद्धव बाळासाहेब ठाकरे पक्षाची साथ सोडून तेजस्वी घोसाळकर हा भाजपमध्ये प्रवेश करणार आहेत. सोशल मीडियावर पोस्ट करत त्यांनी ही माहिती दिली.
राज्य निवडणूक आयोगाची आज महत्त्वाची पत्रकार परिषद घेणार आहे. त्यामुळे मुंबई, ठाणे, पुण्यासह राज्यातील २९ महापालिका निवडणुकीची घोषणा आज होण्याची शक्यता वर्तवली जात आहे. निवडणुकीच्या घोषणेनंतर आचारसंहिता लागू होणार आहे.
मुंबई महापालिका निवडणुकीच्या पार्श्वभूमीवर उद्धव ठाकरेंच्या शिवसेनाला मोठा धक्का बसणार आहे. माजी नगरसेविका तेजस्विनी घोसाळकर या भाजपमध्ये प्रवेश करणार असल्याची माहिती आहे. 'साम टीव्ही'ने या संदर्भातील वृत्त सुत्रांच्या हवाल्याने दिले आहे.
मावळमध्ये पाच वर्षांच्या चिमुकलीवर अत्याचार करुन तिची हत्या केल्याची बातमी अत्यंत संतापजन आणि चीड आणणारी आहे. राज्यात महिलांवरील अत्याचाराच्या गुन्ह्यांमध्ये वाढ झाल्याचं मुख्यमंत्री देवेंद्र फडणवीस यांनी विधानसभेत मान्य केलं, हे बरं झालं, आता या गुन्ह्यांना आळा घालण्याची जबाबदारीही राज्य सरकारवर आहे. त्यामुळं या गुन्ह्यातील आरोपीलाही फाशीची शिक्षा व्हावी तसंच हा खटला फास्टस्ट्रॅक कोर्टात चालवावा, ही विनंती! अशी मागणी आमदार रोहित पवार यांनी केली आहे.
मुख्यमंत्री देवेंद्र फडणवीस आज सांगलीच्या दौऱ्यावर येणार आहेत. त्याच्या हस्ते अहिल्यादेवी होळकरांच्या अश्वारूढ पुतळयाचे होणार लोकार्पण होणार आहे. अहिल्यादेवी यांची त्रिजन्म शताब्दी साजरी होत असून यानिमित्ताने हा पुतळा उभारण्यात आला आहे.आज दुपारी 12 वाजण्याच्या सुमारास हा सोहळा पार पडणार आहे. मंत्री चंद्रकांत पाटील,आमदार गोपीचंद पडळकरांसह विविधी मान्यवर या सोहळ्यासाठी उपस्थित राहणार आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.