Shyam Manav Astrology Challenge : भेंडवळ भाकितावर थेट सवाल! ज्योतिषशास्त्रानं 90% अचूकता सिद्ध करा, 80 लाखांचे बक्षीस तयार

Anti superstition Maharashtra news : बुलढाणा जिल्ह्यातील भेंडवळ भाकीत आणि कुंडली अन् पारंपारिक ज्योतिषशास्त्राच्या अचूकतेवर अंधश्रद्धा निर्मूलन संस्थेचे अध्यक्ष शाम मानव यांनी पुन्हा एकदा चॅलेंज केलं आहे. वर्तवणाऱ्या भविष्यांची अचूकता 90 टक्के सिद्ध करा अन् 80 लाख रुपयांचे बक्षीस घेऊन जा, असे खुले चॅलेंज दिलं आहे.

अंधश्रद्धा निर्मूलनचे अध्यक्ष शाम मानव यांनी, “10 कुंडल्या आणि सध्याची माहिती देऊ, त्यापैकी 90 टक्क्यांपेक्षा जास्त भविष्यवाणी अचूक ठरवून दाखवा,” असे आव्हान दिले आहे. ते सिद्ध झाल्यास तब्बल 80 लाखांचे बक्षीस देऊ, असे म्हटलं आहे.

शाम मानव यांनी पुढे म्हटलं आहे की, आजच्या काळात हवामान अंदाजासारख्या गोष्टी विज्ञान व अभ्यासावर आधारित आहेत. त्या पडताळून पाहता येतात. मात्र भेंडवळ किंवा ज्योतिषाच्या दाव्यांना तितकी शास्त्रीय पडताळणी होत नाही. पूर्वी शेतकरी (Farmer) अनुभवावर निर्णय घेत होते. परंतु आता आधुनिक तंत्रज्ञानामुळे परिस्थिती बदल्याकडे त्यांनी लक्ष वेधले.

शाम मानव यांनी या वेळी काही धार्मिक व पारंपरिक प्रथांवरही टीका केली. “लोकांना फसवण्यासाठी (Fraud) श्रद्धेचा वापर होतो,” असा आरोप करत, या प्रथांविरोधात जागृतीची गरज आहे.

भेंडवळची परंपरा

दरम्यान, बुलढाणा इथं अक्षय्य तृतीयाच्या मुहुर्तावर भेंडवळ भाकी‍त पाहिलं जातं. याला साडेतीनशे वर्षांचा परंपरा आहे. त्यावर देखील शाम मानव यांनी प्रश्नचिन्ह उपस्थित केले आहेत. हे भाकीत जुळवून दाखवा, त्यांनीही बक्षीस घेऊन जावा, असे म्हटलं आहे.

भेंडवळचं भाकीत

देशाचा राजा पदावर कायम राहिल. मात्र ताण आणि दबाव वाढलेला राहील. देशाच्या संरक्षण व्यवस्थेवरही मोठा ताण राहील. राष्ट्रीय सुरक्षेच्या बाबतीत सावधगिरी बाळगावी लागेल. शेतीसाठी आव्हानात्मक वर्ष ठरू शकते. पिकांवर रोगराईचे वाढणार आहे.

भाकिताला चॅलेंज

भेंडवळच्या या घटमांडणीवर शेतकऱ्यांचा मोठा विश्वास आहे. विदर्भ, मराठवाडा आणि खानदेशातून हजारो शेतकरी येथे येऊन हे भाकीत ऐकतात आणि त्यानुसार पुढील हंगामाचे नियोजन करतात. पण शाम मानव यांच्या प्रतिक्रियेनुसार याला कोणताही वैज्ञानिक आधार नाही. त्यामुळे भाकीत अचूक ठरवावे, असे चॅलेंज त्यांनी दिलं आहे.

महिला सर्वाधिक बळी

सध्या राज्यात भोंदूबाबा अशोक खरात, संगमनेरमधील गडगे महाराजासह काही ढोंगीबाबांचं प्रकरण गाजत आहेत. विशेष करून, अशा भोंदूबाबांना महिला अधिक बळी पडत अशल्याचे समोर येत आहे.