Ambadas Danve On Aurangzeb Poster: हिंदुत्वाचे ढोल बडवणाऱ्या सरकारला औरंगजेबाचे पोस्टर दिसत नाहीत का ?

Shivsena : औरंगाबादचे छत्रपती संभाजीनगर असे नामांतर झाल्यानंतर या विरोधात शहरात बेदमूदत उपोषण करण्यात आले. (Ambadas Danve On Aurangjeb Poster) यावेळी आंदोलकांनी औरंगजेबाचे पोस्टर झळकवत घोषणाबाजी केली होती. आता मुख्यमंत्री एकनाथ शिंदे यांनी अहमदनगरचे नामांतर अहिल्यानगर करण्याची घोषणा केली. त्यानंतर छत्रपती संभाजीनगरमध्ये घडला तसाच प्रकार नगरमध्येही घडला.

एका मिरवणूकीत मुस्लिम तरुणांनी औरंगजेबाचे पोस्टर झळकवत घोषणबाजी केली. या प्रकरणी चार तरुणांविरुद्ध गुन्हा दाखल करण्यात आला असला तरी विधान परिषदेचे विरोधी पक्षनेते अंबादास दानवे यांनी राज्य सरकारवर निशाणा साधला आहे. (Shivsena) हिंदुत्ववादाचे ढोल बडवणाऱ्या विद्यमान सरकारला औरंगजेबाचे झळकवलेले पोस्टर नजरेस पडले नाही का? असा संतप्त सवाल त्यांनी ट्विटच्या माध्यमातून केला आहे.

दानवे यांनी आपल्या ट्विटमध्ये म्हटले आहे की, नगरमध्ये पुन्हा एकदा औरंगजेबाचे पोस्टर नाचवण्यात आले आहेत. (Eknath Shinde) हिंदुत्वाचे ढोल बडवणाऱ्या विद्यमान सरकारच्या नजरेस हे पडत नाही का? संभाजीनगरात या अगोदर हे झाले, तेव्हा कारवाई शून्य होती. (Marathwada)

आताही तेच हे सरकार करणार? फाजील गप्पा मारून, आम्ही हिंदुत्ववादी म्हणून होणार नाही. नगरमध्ये जिल्हाधिकारी कार्यालयापुढे एका माता-पित्याला 'लव्ह जिहाद'च्या कारणाने उपोषणास बसावे लागले आहे, हे वाईट आहे! अशा शब्दांत दानवे यांनी सरकारवर निशाणा साधला आहे.