Sanjay Shirsat: धक्कादायक: आमदार संजय शिरसाट यांच्या गाडीवर दगडफेक

मुख्यमंत्री एकनाथ शिंदे यांचे निकटवर्तीय, आमदार संजय शिरसाट (Sanjay shirsat) यांच्या गाडीवर दगडफेक झाल्याची माहिती समोर येत आहे. छत्रपती संभाजीनगर (Chhatrapati Sambhajinagar) येथे रविवारी रात्री ही घटना घडली. संभाजीनगरच्या बाबा पेट्रोल पंपाजवळील महावीर चौकात हा प्रकार घडला.

आमदार संजय शिरसाट (Sanjay shirsat)यांच्या कुटुंबासोबत हा प्रकार घडला. दगडफेक झाली तेव्हा गाडीत शिरसाट याची पत्नी,कन्या आणि मुलगा होता, अशी प्राथमिक माहिती छत्रपती संभाजीनगर पोलिसांनी दिली.

रस्त्यावर भांडण सुरू असल्याने शिरसाट कुटुंबीयांनी गाडी थांबवली होती. त्यावेळी अज्ञात व्यक्तींनी शिरसाट यांच्या गाडीवर दगड फेकल्याचे समजते. घटनेनंतर पोलिस घटनास्थळी रवाना झाले.

आमदार शिरसाट यांच्या गाडीवर दगड कुणी भिरकावला, याचा तपास पोलिस करीत आहेत. या घटनेनं संभाजीनगर शहरात मोठी खळबळ उडाली आहे. शिवसैनिकांनी देखील त्याठिकाणी गर्दी केली होती.