देगलूर-बिलोलीत मतदानाचा उत्साह

देगलूर : देगलूर बिलोली विधानसभा पोट निवडणुकीसाठी शनिवार (ता 30) रोजी सकाळी 7 पासून शांततेत व उत्साहात मतदानाला सुरुवात झाली. दुपारी बारा वाजेपर्यंत 22 टक्के मतदान झाले.

शहरासह ग्रामीण भागातही मतदारांनी उत्साहात मतदानात सहभाग घेतला असून काही ठिकाणी मतदारांनी मी रांगा लावून मतदानात सहभाग घेतला आहे. दुपारपर्यंत शहर व परिसरात कोणताही अनुचित प्रकार घडला नसून मतदान अगदी शांततेत सुरू असल्याचे निवडणूक निर्णय अधिकारी सचिन गिरी यांनी सांगितले.

भाजपचे उमेदवार माजी आमदार सुभाष पिराजीराव साबणे यांनी देगलूर येथे सपत्नीक गंगुताई सुभाषराव साबने यांच्यासह मतदान केले.

काँग्रेसचे उमेदवार जितेश रावसाहेब अंतापूरकर यांनी आपल्या आई श्रीमती शितलताई रावसाहेब अंतापूरकर यांच्यासह अंतापूर येथे मतदान केले.

वंचित आघाडीचे उमेदवार डॉक्टर उत्तमराव इंगोले यांनीही देगलूर येथे सपत्नीक मतदान केले.