NCP News : राष्ट्रवादी युवक काँग्रेसच्या औरंगाबाद जिल्हाध्यक्षावर जिवघेणा हल्ला; प्रकृती चिंताजनक

औरंगाबाद : ग्रामपंचायत (Gram Panchayat) निवडणुकीच्या (Election) वादातून राष्ट्रवादी युवक काँग्रेसचे (NCP) औरंगाबाद (Aurangabad) जिल्हाध्यक्ष भाऊसाहेब तरमळे यांच्यावर जिवघेणा हल्ला (Attack) करण्यात आला आहे. या हल्ल्यात तरमळे गंभीर जखमी झाले आहेत. तरमळे यांची प्रकृती चिंताजनक असल्याचे सांगितले जात आहे. या प्रकरणी सात जणांवर गुन्हा दाखल करण्यात आला आहे. (Fatal attack on Aurangabad District President of Nationalist Youth Congress)

पैठण तालुक्यातील बोकुड जळगाव ग्रामपंचायतीची नुकतीच निवडणूक झाली होती. त्या निवडणुकीत दोन गटात वाद झाला होता. त्या वादातूनच हा प्रकार घडल्याचे सांगितले जात आहे. ग्रामपंचायत निवडणुकीच्या वेळी झालेल्या वादाचा राग मनात धरून विरोधी गटाकडून राष्ट्रवादी युवक काँग्रेसचे जिल्हाध्यक्ष तरमळे यांच्यावर हल्ला करण्यात आलेला आहे.

या जिवघेण्या हल्ल्यात राष्ट्रवादी युवक काँग्रेसचे जिल्हाध्यक्ष तरमळे गंभीर जखमी झाले आहेत. त्यांची प्रकृती चिंताजनक असल्याचे सांगितले जात आहे. एकंदरीतच ग्रामपंचायत निवडणुकीतील वाद भाऊसाहेब तरमळे यांच्या जिवावर बेतला आहे.

बोकुड जळगाव ग्रामपंचायत निवडणुकीच्या वादातून झालेल्या हल्ल्या प्रकणी सात जणांविरोधात बिडकीन पोलिस ठाण्यात गुन्हा दाखल करण्यात आलेला आहे. दरम्यान, या हल्ल्यामुळे पैठण तालुक्यात मोठी खळबळ उडाली आहे.