Marathwada Teacher Constituency Result : काळेंची धडधड वाढली, विश्वासराव रेसमध्ये, धक्कादायक निकालाकडे वाटचाल..

Aurangabad : औरंगाबाद शिक्षक मतदारसंघाच्या मतमोजणीला सुरुवात झाली आहे. अद्याप पहिल्या फेरीची मतमोजणी पुर्ण झालेली नाही, परंतु या मतदारसंघात धक्कादायक निकाल लागण्याची शक्यता वर्तवली जात आहे. (Marathwada Teacher Constituency) मराठावाडा शिक्षक संघाचे उमेदवार सुर्यकांत विश्वासराव यांच्यावर शिक्षक मतदारांनी मोठ्या प्रमाणात विश्वास दाखवल्याचे दिसून येत आहे.

भाजपच्या किरण पाटील यांच्यापेक्षा विश्वासराव यांची कामगिरी उजवी ठरणार आहे. त्यामुळे महाविका आघाडीचे विक्रम काळे विरुद्ध (Teacher)भाजपचे किरण पाटील असे चित्र मतदानापुर्वी आणि नंतर देखील रंगवले जात होते. (Aurangabad) मात्र त्यात मोठा ट्विस्ट येण्याची शक्यता आहे. सुर्यकांत विश्वासराव यांना मराठवाड्यातील सातही जिल्ह्यातून मोठ्या प्रमाणावर मतदान झाले असून ते विक्रम काळेंना धक्का देवू शकतात.

अर्थात काही तासात पहिल्या फेरीची आकडेवारी समोर येईल व निकालाचा अंदाज देखील. दरम्यान, संशयास्पद मतपत्रिकेवरून वाद मतमोजणी केंद्रावर निवडणूक प्रतिनिधी आणि अधिकाऱ्यांमध्ये वाद आणि बाचाबाची झाल्याचे समोर आले आहे. सकाळी साडेअकरा वाजता एका मतपत्रिकेवर संशयास्पद खुण पाहून भाजप उमेदवार किरण पाटील यांचे प्रतिनिधी शिवाजी दांडगे आणि मतमोजणी अधिकाऱ्यांमध्ये वाद होऊन बाचाबाची झाली.

त्यामुळे मतमोजणी स्थळी तणाव निर्माण झाला होतो. अखेर निवडणुक निर्माण अधिकारी तथा विभागीय आयुक्त सुनील केंद्रेकर यांच्या मध्यस्थीने वाद निवळला. मराठवाडा शिक्षक मतदार संघ निवडणुकीच्या मतमोजणीस सकाळी ८ वाजता सुरुवात झाली. प्रारंभी मतपेट्या उघडून मतपत्रिका एकत्रित करण्यात आल्या. त्यानंतर मतांचे २५-२५ चे गठ्ठे करुन मोजणीसाठी ५६ टेबलवर प्रत्येकी ४० गठ्ठे देण्यात आले. दुपारी १२ वाजेपासून वैध-अवैध मतांचे वर्गीकरण करण्यास सुरुवात करण्यात आली.

यावेळी एका टेबलवर एका मतपत्रिकेवर संशयास्पद खुण आढळून आल्याने भाजप उमेदवार पाटील यांचे प्रतिनिधी शिवाजी दांडगे यांनी आक्षेप घेतला. त्यावरुन मतमोजणी अधिकारी व दांडगे यांच्यात वाद होऊन बाचाबाची झाली. या मतपत्रिकेवर पहिल्या पसंतीचे मत विक्रम काळेंना तर दुसर्‍या पसंतीचे मत किरण पाटील यांना नोंदवलेले होते. शिवाय त्यात संशयास्पद खुण आढळली होती.

त्यामुळे हा वाद झाल्याचे सांगण्यात आले. यानंतर केंद्रेकर यांनी शांततेत काम करा अन्यथा बाहेर काढले जाईल, असा इशारा दिल्यानंतर वाद निवळला. दरम्यान मतदान ५३ हजार २६७ एवढे असल्याने व एका टेबलवर एक हजार मतांची मोजणी होणार असल्याने ५६ पैकी ३ टेबलावरील काम बंद करण्यात आले. सध्या पहिल्या पसंतीच्या मतांसाठी विक्रम काळे, सुर्यकांत विश्वासराव आणि किरण पाटील या उमेदवारांच्या मतपत्रिकांच पुढे येत असल्याची माहिती सुत्रांनी दिली आहे.