Mla Satish Chavan Reaction On Budget : हा तर विकासाचा आभास निर्माण करणारा अर्थसंकल्प

Marathwada : राज्याचे आर्थिक चित्र ऑल इज वेल नसून आव्हानांचा डोंगर उभे असल्याचे आज सादर झालेल्या आर्थिक पाहणी अहवालातून समोर आले आहे. (Budget Session) अर्थसंकल्पात सरकारने घोषणांचा नुसता पाऊस पाडला आहे, अशी टीका करत हा अभासी चित्र निर्माण करणारा अर्थसंकल्प असल्याचे मराठवाडा पदवीधरचे आमदार सतीश चव्हाण (Satish Chavan) यांनी म्हटले आहे.

राज्याची सद्यस्थिती, खर्च, उत्पन्न याचा कसलाही विचार करण्यात आलेला नाही असेही चव्हाण म्हणाले. (Ncp) सर्व सामान्य जनता, शेतकरी, नोकरदार वर्ग, उद्योजक, बेरोजगार, विद्यार्थी, महिला वर्ग आदींची या अर्थसंकल्पातून पूर्णपणे निराशा झाली आहे. (Maharashtra) हमीभाव मिळत नसल्याने कापुस, कांदा, द्राक्ष उत्पादक शेतकरी अडचणीत आला असताना त्यांच्यासाठी या अर्थसंकल्पात काही ठोस निर्णय होईल, अशी अपेक्षा हेाती.

मात्र सर्व सामान्यांचे, शेतकर्‍यांचे, कष्टकर्‍यांचे हे सरकार आहे असे म्हणणार्‍यांनी त्यांच्याच तोंडाला पानं पुसण्याचे काम केले आहे. महापुरूषांच्या नावाने फक्त मोठ्या घोषणा करण्यात आल्या पण त्यासाठी कोणतीही ठोस तरतूद करण्यात आलेली नाही. सध्या मराठवाडा मुक्तीसंग्राम दिनाचे अमृत महोत्सवी वर्ष सुरू आहे.

यासाठी भरीव तरतूद करण्यात आली असे म्हटले असले तरी किती तरतूद केली हे सांगितले नाही. गतीमान म्हणवणार्‍या सरकारने ज्या वेगाने आज घोषणा केल्या त्याच्या अमंलबजावणीत मात्र कासवगती दिसू नये ऐवढीच माफक अपेक्षा असल्याचा टोला देखील चव्हाण यांनी लगावला.